7FEB2017(TUE)_ 星期2,3都要返學,8點起身,放左學通常都散晒,D同學好叻SOCIAL,每次見到都要問候一返,續個續個問咁......次次DISCUSSION都傾傾下傾左其他野,玩得好顛。 每日我最得閒﹑最悶時(6PM),老公就訓。到到我要訓(12AM),佢就岩岩起身...........已經好多日都係咁,感覺好無奈,加上少左野講,悶悶地............我開始明白點解D人話LONG D難KEEP,好彩只係讀一年。呢一年,仲有好多野想做想試想學,不過能力有限,黎左咁耐睡眠狀況都唔好,而且成日都流鼻血,腸胃差左,已經唔敢買零食,但始終都係燥。 開頭覺得每日都好興奮期待開心,但之後慢慢習慣,就連去市中心都去到唔想去。但留係房都唔代表會溫書,如果全日都唔郁動下,就覺得好頹,有時夜晚會落樓下DUM垃圾吹吹風,行超級市場係一個娛樂,真慘,係香港唔會覺得無野行,但呢度真係無乜野好行。。。自從有左單車,就可以踩下~好自由好爽! 有時會忽發地好想買平機票去其他國家,雖然內陸機好平,但由劍橋去倫敦要兩程車費,由目的地e.g.巴黎機場去市區又係要車費同時間,廉航有時D機場好山卡啦,我每星期都只係返兩日學,有5日可以去旅行,但都無去其他國家。因為連英國好多地方都未去............ 我中意一日遊多D,可以返返去自己地方訓,先最舒服。