5FEB2017(SUN)_ 星期日!!!!!!! 又係去研究一下CAMBRIDGE~市內,聽講有好多博物館,而且免費~最靚最大個個叫FITZWILLIAM MUSEUM,正門會裝潢華麗D,有好多美術品,另外都有唔少國家的寶藏,有埃及﹑希臘﹑英國﹑中國﹑韓國等等,感覺似係大英博物館擺唔晒,所以放係度。其實都幾奇怪,沙煲雁餐咩都有D......... 另一個係SEDGWICK MUSEUM OF EARTH SCIENCE,係劍橋大學其中一個學院的一層,規模細,全部都係生物標本,恐龍呀﹑大象﹑鹿,海洋生物,水晶礦物,好多蝸牛同貝殼都用一個小小小蒸籠裝住,好可愛。 係地球科學館隔離就係MUSEUM OF ARCHAEOLOGY & ANTHROPOLOGY ,人類與考古,又係好細間,一黎就見到一大支圖騰柱,圖騰崇拜係將某種動物或植物等特定物體代表自己家族成員,係北美印地安人同澳洲人常做的。我搵到個支圖騰上面 雕左7種動物樣貌。 另外,仲有世界各地唔同時期人類為求生存而用過的物件,例如 石器文物,極地捕魚保暖物品,非洲BUSHMAN,北歐VIKINGS,紐西蘭 斐濟的毛利人,歐洲的日耳曼人等等,好多野睇,好多野學。如果你係一個見到一樣野,要知道埋個故事先心息GE人,咁應該可以大開眼界。 係OUR LADY CHURCH隔離有個POLAR MUSEUM,極地博物館,有北極同南極愛斯基摩人的衣食住行物品,英國其實野心從來都大,佢地係南極攪左好多野,又殺鯨取鯨油,又想吞左南極,明明南極呢片唯一淨土係屬於全世界所有人的。個館我最記得係情人節當日我去左睇下舊食物.......就係極地版朱古力。最後有D企鵝BB畫呀,提倡環保概念,全球危機GE野 等等。 呢度個BOTANIC GARDEN係好大的,不過要收錢,但15/2舉行左一個TWILIGHT之夜,所有博物館都會熄燈,比人用電筒歷險,我見平時BOTANIC GARDEN係要比錢入場的,而家唔使錢就入去睇下! 佢有好多GREEN HOUSE,溫室種植,主題係仙人掌,大開眼界,好多奇花奇草,不過人太多又落雨,我好快就走左。 另外仲有一個MUSEUM OF ZOOLOGY,KETTLE'S YARD,佢地都裝修緊。 最後講一講呢度D門,真係比佢地玩謝,比如 KING S大教堂度門,唔係拉唔係推,係要將個門把向右扭先開到,仲有一道古惑的鐵欄閘,每次只可以一個人出入(連單車都入唔到),仲有就係點解D門要咁重,不過好讚的就係呢度D人一定會幫後面個人HOLD住度門,好有禮。