4FEB2017(SAT)_ 我好記得呢個星期六!!!! 今日我終於有時間去將我由香港帶過黎的~5600鎊入落銀行,大概下午3點左右,我就出發去銀行,一路上都安全,去到銀行排左一陣隊,就去到櫃員機,係香港我都習慣用機入錢,而且覺得 數錢都唔會錯。 咁我就拎晒D錢出黎,因為我每10張50鎊就用一張夾住,所以要花D時間拆開,櫃員機隔離又有個位,我有段時間就將一疊疊錢放左上去。之後,經過入完又入,我終於將D錢入晒入去,但佢唔知做咩突然又話交易CANCELLED,仲分幾次嘔返晒D錢出黎。之後我又重新再入,終於成功。但我睇返張交易記錄,好奇怪,得3800鎊。。。。。 我點計都好似唔岩,但因為我留左一小部分係宿舍,咁我又諗,係我自己帶漏左,所以我即刻跑返宿舍。。。係好驚地跑。。。。因為唔見左成萬蚊。。。。返到宿舍,數過晒計過晒都真係唔見左............已經覺得 係比人偷左,因為我又要入,又要拆,又要禁掣,我覺得係我分心時比人偷左。我已經諗埋要報警,要睇CCTV............而且銀行門口又有個乞丐.....我直頭覺得係佢做XD 真係好驚,但星期6間銀行收6點,我知道如果我要報警,都要即刻趕返去,結果又一次好焦慮咁跑返去,最衰係我連自己EXACTLY少左幾多都唔肯定。。。 我唔知點算,就是旦搵外幣COUNTER個女人,同佢講我頭先入錢,入完少左千幾鎊。。。佢聽完都好似唔信咁,因為數錢機點會數少錢,,,,,,,,, 好彩佢同入面房個個講,個個人肯幫我CHECK! 我見佢即刻熄左我用個部櫃員機,等左一輪,為左平靜一下,我打比老公,佢話我連少左幾多都唔知,究竟係幾時比人偷又唔知,連係唔係比人偷又唔知。但我同佢都認為數錢機好少會錯。 最後,真係數錢機出錯!!!!!!!!!!!!! 個職員用我張收據仔就幫我搵返我唔見左D錢,仲幫我入返入戶口。 其實係因為每次存錢都有MAXIMUM數量,唔可以多過50定60張,而我又分左好多次入(有D太皺,佢都讀唔到),到到佢全部嘔返晒出黎時嘔唔晒,就攪到咁。。。。 好恐怖,以後都係預先約好時間,搵職員幫我入,如果今日唔係有人返工,我都唔知點算,可能會成晚LOR LOR亂,,,,,,,,,,,,,,,同埋如果隔左幾日,都唔知CHECK唔CHECK到,好彩有驚無險,嚇死寶寶=( PS: 以後都自己數清楚先存錢,同埋盡可能都唔好依賴機器