2FEB2017(THU)_ 星期四係唔使返學的,一起身就去添置一下必須品。作為港女兼人妻,SHOPPING係好有意思的,因為包含*格價一環。 英國的CHARITY SHOP好多,即係2手店,可能因為佢地多經費,學校附近有條主要商店街,只有兩類舖頭: 餐廳和二手店。 我主要係想搵一件有拉鍊OR暗格的長外套,同埋一個小背囊,仲有要搵針線,因為件外套爆晒鈕。。。好激XD 都好快就搵到晒要買GE野,PRIMARK又平又正,家品呀,鞋呀,咩都有。到我目前為止,我都係中意行PRIMARK多過H&M, TOPSHOP, NEXT OR ZARA。日用品就會去POUNDLAND, WIKO,當然仲有BOOTS同SUPERDRUG,超級市場就TESCO最平,CO-OP都平,SAINSBURY就貴小小,WAITROSE同ASDA都好多自家製品。 每日大概6點半左右就會有特價貨(就過期),包括一盒盒的"英國波仔",PIZZA,麵包,奶,YOGURT,總之就好多野,係香港都無咁平,而且好多款式,而家黎左兩個月都仲有好多野未試。 如果出街食,TAKE OUT可以平一兩鎊,LUNCH又會平少少,最平都要5,6鎊一餐(唔飲野),出去食都有少少技巧,就係上網睇下有無CODE或者團購,E.G. ZIZZI上網已經攞到7折CODE,仲要夜晚都用得,DOMINO PIZZA又有學生CODE,GOURMET BURGER有APP,問下就會知。 GROUPON UK有好多平野,不過我只會上網廣告彈出黎時睇下,見過由LONDON去巨石陣同羅馬浴場的ONE DAY TOUR只係30幾鎊(一般都60-70鎊)。 交通就搭COACH平D,NATIONAL EXPRESS, MEGABUS都好多路線,基本上足夠去晒英國主要城市,火車如果即日來回,加上星期6日,2人一齊 其實都好平。 至於CAMBRIDGE市內交通,一係就行,一係就單車,或者巴士的士,巴士1.7一程,我一次都無搭過。頭兩星期每日都行,行到覺得熟路就去搵單車,見過最平全新的79鎊,問親單車舖都叫我買一手車,佢地已經好少收二手車,就算收都只係收好新個D。二手都可以賣成90鎊,上網搵GUMTREE, SHPOCK,都好多選擇,不過要去搵賣家。最後我係一間流動車仔檔用左30鎊買左一部,希望畢業前都唔好爛。 單車真係好重要,早買早享受,好值得。最近月去月遠,附近的鎮同埋遠遠的大型OUTLET都去到,而且當減肥,係好好的娛樂+興趣+運動! PS: 其實CAMBRIDGE係一個CITY,都好多好窄的路,不過習慣左就OK,行人一般都少。 PPS: 英國一定無香港咁多新奇野賣,不過英國買野真係唔貴,最貴的消費係去餐廳食晚飯(起碼10鎊8鎊, OR OVER 15)