30JAN2017(MON)_ 發過幾次相同的惡夢，都係比貓用貓爪深深插入我雙手，我要續條續條爪用力拔起，但好快又被爪實，覺得好痛好痛，好實好實，感覺好真! 因為時差同太忙，個段時間都無深究點解成日發呢個夢。直到前一段時間，我諗返個一排同個夢，我估係因為我買D好重GE野抽返宿舍，又睡姿唔好，所以手痛。我叫自己!!唔好再發呢個夢之後就無再發了。 ...........明明我有養貓又咁中意貓..................... 學校有一個去當地人屋企交流的計劃，叫HOSTUK，主要係係當地人屋企住一個WEEKEND，老人家為主，唔會去景點，係同當地人交流同識多個朋友，我個時有興趣APPLY左，後來佢係咁催我交30鎊申請費，咁我又縮沙啦............因為除左申請費，又要自己比車錢。 試過去附近的公園，大家都知英國多公園同草地~ 有個亞洲樣的人撩我，原來佢係菲律賓人，佢老公係英國人，佢地個女玩緊千秋，佢地話EASTER會去香港，結果就傾左好耐，佢仲教我點去佢地屋企，叫我有咩事都可以搵佢地幫，又叫我經過佢地屋企可以按門鐘之後入去飲茶，之後＿交換左CONTACT同FB，都好開心佢地咁熱情。 其實要識當地人真係唔難，傾計就可以，文化差異係會有好多野可以講。 另一單野就係我經學校搵到HOST FAMILY，仲EMAIL約好左去佢屋企參觀同睇下示範單位，個位英國女仕同佢老公都係教授，主要係請我飲茶傾下佢對租客的要求，1)要鎖門同好整潔 2)唔可以帶任何朋友或香港人返去 3)佢6月開始出租 120鎊一星期包晒所有野，我就7月中先完合約，我當然明白間屋係佢的好多野都係佢話事，而且佢好有出租經驗，因為佢都仲有揀緊人，所以我都無再理呢件事。 不過個次傾計，佢叫我係度一定要識多D朋友，參加多D活動同埋佢話只要TALK TO THEM就可以識到人!我話覺得好似甩多左頭髮，佢叫我做多D運動，簡單地跑下步! 另外就係叫我一經過佢度就可以搵佢傾計，同埋佢話自己由細到大都係飲水喉水，應該唔關甩頭髮事。佢仲SHARE左佢個孫女的月歷比我睇，佢話英國整私人月歷好常見，都印得好靚! 我覺得係呢度，真係好易識到人，D人都中意吹水，同埋好NICE，唔會有橫衝直撞的呀叔或者嘈喧巴閉的師奶，同一條路同D人碰面佢會好有禮貌，一係就微笑，一係就目不斜視。出到街除左車聲，就係寧靜，一去到康河附近，就會聽到鳥聲，寧靜寧靜，咁樣GE生活係會少好多令人燥的事! 整體都係舒服同寫意的氛圍 =))))))
