28JAN2017(SAT)_ 嚴重JETLAG加上張床有點淋,我又一次好早醒左。個馬來西亞朋友話一齊去攪銀行戶口,但我去到都未開門,不過已經有條隊。其實銀行係要網上預約左先的,不過我諗WALK IN都可以的。 等左一陣就順利開左戶口,讀一年書唔係間間銀行受,學校推薦我地去BARCLAYS(要帶住址證明),星期6仲由9AM開到6PM,勁過香港,不過唔係間間分行都開咁耐。佢幫我開左一個SAVING ACCOUNT,一個CURRENT ACCOUNT,CURRENT ACCOUNT有DEBIT CARD,可以當OYSTER CARD用,又可以網上買野。始終用香港張VISA個RATE唔靚。每次我只會放好少錢係DEBIT CARD戶口,用晒先會TRANSFER SAVING ACC D錢過去,就算唔見張卡都唔會損失咁多。銀行個APP又係好易用,過左幾日就收到CARD同密碼,DEBIT CARD真係好過CASH,而且周圍都有提款機,去超級市場又可以收錢時另外攞CASH,英國D超級市場收好夜,一般收11PM。 下次講一個關於我入錢落銀行的恐怖事件,好驚險!' 開完銀行,馬來西亞朋友先黎到,結果佢地開唔到,之後當然係要去遊覽一下CAMBRIDGE!!!!!!!!!! 我當初好期待呢個地方架,除左因為徐自摩講過,我睇過D節目同相片令我對CAMBRIDGE好有好感,印象中係有康河同撐艇仔。 必做的第一樣緊係要入去KING S CHAPEL坐下!!!第一次睇真係覺得好靚好靚~個頂好精緻,花紋好靚,聖詩堂好似係HARRY POTTER電影度見過。教堂左手邊有展覽室講解歷史,主要係講第2次世界大戰時學校怕打仗會破壞個教堂,就自己拆下所有玻璃片收藏好,結果好好彩完仗後劍橋大學都圓好無缺,為左重組,學校搵左一TEAM專家用左6年時間先可以砌返晒全個教堂D玻璃窗。 另一樣劍橋大學必做的就係PUNTING,其實以前係無呢個活動的,只有每年舉辦的BOAT RACE。1856年來,每年OXFORD同CAMBRIDGE都會舉行賽艇比賽,OXFORD係深藍隊,CAMBRIDGE係淺藍隊,成日見到人練習,因為知道之後一定有朋友會黎,所以PUNTING就留返之後。(最近終於試到PUNTING 9鎊一個人) CAMBRIDGE有300幾個COLLEGE,最出名同最近市中心有KING S COLLEGE,CLARE COLLEGE,TRINITY COLLEGE同ST JOHN S COLLEGE。佢地相鄰而且都有條橋出名,RIVER CAM好多天鵝,鴨仔,而且唔怕人仲好狼死。 今日主要係行左4個最靚的COLLEGE,劍橋大學有700幾年歷史,古早味濃,D草地又大又唔比人踩,KING S, TRINITY, ST JOHN正門都有專人收錢,7-8鎊一個人,真係好過去搶,但後門就大開,今日我已經去晒最出名的嘆息橋,三一學院的NEWTON TREE,ROUND CHURCH等等,最後,去左每日都會經過的OUR LADY CHURCH參加晚間彌撒! 是日完。 PS: 終於都遊覽到CAMBRIDGE!!!!!!!!!!果然有一種寫意感!