25JAN2017(WED)__ 今日要離開倫敦去劍橋,一早就做搬運工,錯時晨,正正係返工時間,好恐怖,成架巴士都係人,我仲要咁多行李,真係無訂企,仲要轉車,不過最後都順利去左LIVERPOOL STREET STATION。 食左少少早餐,我就上左火車,正式出發去學校同宿舍。 一路上綠草如欣~但我太眼訓了~大概一個半中就到達,一到達CAMBRIDGE,就發現好普通,無特別建築物,一個城市仔。 由火車站去到我宿舍只係幾分鐘路程,我去RECEPTION拎左鎖匙+攪左手續就興奮咁去自己間房~~~~真係唔好彩,部LIFT壞左..............(我住左幾個月都未試過壞LIFT)我仲要係住最高個層,5層樓,最後都係自己搬晒D野上去,還好啦。。。。當減肥,呢5日都成日搬黎搬去,做苦力,最緊要係無整親無受傷。 整棟大廈係好新的,亦好乾淨,闊落,舒服,只係無枕頭同床單,咁我緊係把握時間出去買啦~~~呢度D SHOP好早收。 行出市中心都唔知點入手,隨街問人,佢教我一係去JOHN LEWIS或者M&S,或者去另一邊的GRAFTON商場,結果當然唔會捨得買JOHN LEWIS啦,去到M&S見到都唔貴,一張KING SIZE被只係12鎊,不過物料就一定唔靚啦~但我住得一年,唔理啦~~~床單係我好中意買GE野,香港有好多好多床單被,我有諗過唔買但都買左。。。有D野中意就係中意 好興奮終於都到左CAMBRIDGE,一個我將會居住一年的地方,好開心!!!! 買完野已經天黑,行返宿舍都要15分鐘,返到房除左執野,就係玩電話。。。WIFI呀!~~~好正呀~咩都開到~~~除左興奮開心同期待,仲有就係好好好開心同覺得好順利 =))) 其實我覺得自己順利帶左一年英鎊現金生活費過黎而又安全無唔見已經好叻,當初有諗過電匯又有諗過直接提款,但因為手頭上真係有呢舊錢,所以就照帶。。。冬天衫多,可以包好大舊野上身,終於到左宿舍可以安放好。 宿舍要有一個DIGITAL感應器出入,而且出面配唔到,所以都OK安全。而我住的個棟係附近最新的一棟,只係兩年樓齡,獨立廁所,暖氣熱水,WIFI水電媒都包,一個月$6000港元,其實我心目中係$4000-5000,但學校入面D舊宿舍都要差不多價錢,仲要無獨立廁所,我有搵過HOST FAMILY,不過都要起碼$200住一晚,仲要感覺變變態態。 我都知住呢度會悶,始終好似自成一角咁,但我一山埋房門就可以開大個YOUTUBE,想唔著褲就圍走又得,呢種自由可能會悶,但起碼唔會令我累同顧忌。 我已經唔係18 22,好怕煩,遷就唔係我想要的! PS: 真係中意間房,唔係晒命 PPS: 感覺CAMBRIDGE好似咩都無咁,搵唔到靚野 =( 是日完。