24JAN2017(TUE)_ 最後的一整日倫敦遊,一早起身去左市內最近的皇宮,KENSINGTON PALACE,早到連皇宮都未開門,睇個外型都幾細,英國D皇宮隔離有個種菜的地方,自給自足~外國皇宮未必大但有一樣野一定係好大,就係包住佢個個花園....!英國周圍都公園,花園,草地,以前D人細細個唔係去PLAYGROUP,係學騎馬。。。 之後去左白金漢宮(英女皇辦公室),去到先知今日無得睇CHANGING THE GUARD~但都見到有兩個毛毛頭,交接儀式係睇3種御林軍,1)毛毛頭楂長槍的步兵FOOT GUARD 2)毛毛頭的步兵軍樂團BRASS BAND 3)金帽的騎兵HORSE GUARD 其實我3月又去睇左一次,仍然係灰色冬季制服,同我印象中紅衣毛頭唔同。整個過程都幾無聊,只係佢地交接時泣泣樣樣一下,如果要提早迫餐死之後又要等等等,唔好攪我。。。 由白金漢宮行去大笨鐘時經過一個公園,有好多隻小松鼠,我餵左幾隻,想感受下佢地的小牙齒,所以我整醉左D餅,佢地擔唔走小塊就會乖乖係我手上慢慢食,好得意! 好似CHIP&DALE,敏捷到呢~~~之後係CAMBRIDGE都成日見到小松鼠,留意下D樹幹就會發現,英國係松鼠國=) 之後去左西敏寺,外觀已經好靚~~~入面應該更靚,係威廉王子王妃結婚/加冕GE地方,金碧輝煌,我係個商店睇左佢地結婚時D相,好GRAND,又無比錢入場,睇相就夠~ 下一站去BAKER STREET 221B福爾摩斯博物館,因為我唔係FANS,所以行左個SHOP就走,D野又貴又唔吸引~ 之後經過左PADDINGTON STATION,入去睇下帕丁頓熊專門店,又係無野想買~ 下一站就係我最期待的SKY GARDEN,上網約左時間,但我遲左半個中,不過佢都比入,咁岩遇上日落,好美~~~~~~橙黃色,之後煙霞般紫嫣,最後暗紅,如詩如畫,睇返自己呢幾日去過的景點縮細左,大地在我腳下,好浪漫,唔捨得走。。。 最後行左去TATE MODERN現代美術館,估唔到咁夜仲可以睇到,英國D博物館美術館又大又多野睇又唔使錢,雖然英國好中意偷晒其他國家D寶藏,但佢開放出黎又免費,而且又照顧D古物照顧得咁好,真係非常造福世人,讚=)本身想上埋10樓睇夜景,但我太遲了~睇唔到~ 夜晚去左行OXFORD CIRCUS,BOND STREET,SELFIDGES,都係個D行行食食。 是日完 PS: 果然香港比英國統治左~90年,三腳插頭,雙層巴士,電話停,紅色郵筒,交通標誌等等都似曾相識 PPS: 可以睇到一個咁靚GE日落作結,好飽足~