23JAN2017(MON)_ 又講倫敦，澄清:我真係黎讀書架，不過想係開學之前順路係倫敦玩下之嘛~ 其實真係未習慣時差，一到下午3,4點就想DOZE OFF，倫敦兩間酒店的水喉水都好DIRTY好恐怖，天氣仍然維持0度左右，但因為開始熟習，衫著少左，身上的英鎊都駝得輕鬆左，見當地人好輕鬆且錢包經常外露都無懼怕。 今日第一站係去2012年奧林匹克運動會隔離個ORBIT玩滑滑梯，上網訂左學生票12鎊，包括上展望台同埋玩SLIDE，一去到已經落毛毛雨，首先放晒D野入LOCKER，包括外套同頸巾等等，上到滑梯個層，要戴頭盔同護膝，之後工作人員會將我入落一個大麻包袋，個頭要少少中前，但整個背部要完全貼地，雙手捉實麻包袋條帶，好!!!!開始~~好快好正~一D位係全漆黑，一D係有光，漆黑位係斜D同急D，有幾下超離心，全程都有叫，落到地都仲WING WING地，好似食左忽得咁~哈哈哈哈~~~好好玩~果然係全世界最長最快的滑梯~ 落到去又再上返去最高個層觀景台，今日天氣唔好~影左陣相就行樓梯落去，行樓梯係一個錯誤決定，因為又濕又滑好難行。但錯有錯著，就係因為我行得慢，所以咁岩撞到之前一齊玩個幾位少女，我問佢地點解咁遲，佢地話因為個職員好人，比佢地玩多次，我都有諗好唔好試下問，最後都覺得一試無坊，好彩真係比(無乜人排)。第2次玩，真係無咁驚仲好ENJOY，好正!!!!!!!!!!!!!!滿足晒我所有刺激官感細胞!爽呀~~~~ 好推薦呢個滑梯，始終要試過先明白同感受得到!之後去左奧運村隔離個商場行下，食左IKEA餐廳，英國IKEA多好多野食，仲請我飲咖啡。之後出返去大英博物館，果然係全世界第一，大就唔算大，比起俄羅斯個冬宮，但大英GE設計同擺位比較好，展品放得密集D，場館得兩層，好易搵易行，除左埃及館出名，波斯文明同瑪拉文明都好好睇，但俄羅斯冬宮係以金傷人，間間房都金碧輝煌，好似參觀皇宮咁，但大英就比較多人，多旅行團，我行左3個半中就閃，其實都夠了，寧願之後睇返本書了解多D，其實都係先了解後觀察 會學得最多(博物館唔岩我)。 睇完已經夜深，我亂上左一架巴士，一直聽到後面有一對夫婦講廣東話，之後我決定問佢地架車係唔係去唐人街，佢地話我搭錯車，但個時架車正正位於出名治安唔好的ELEPHANT & CASTLE區，我問佢地而家落車好似好危險。。。佢地話而家成條街都係人又點搶到野，所以我就落左車。結果，轉車後我最後都順利去到LEICESTER SQUARE，去左M&M WORLD，LEGOLAND，仲有唐人街~~~大開眼界~~~好似去左美國夜遊咁~下次有機會想去埋CASINO睇下~~唔知英國賭場係點~~~~亦見到好多OPERA劇場，不過我麻麻地OPERA~ 是日完~ PS: 今日又係全日搭巴士，有一程遇到查票人員，心諗搭巴士好難可以唔比錢囉。。。英國巴士同香港一樣，一上車就要比錢，地鐵又係有晒閘口又多人，整個制度都算完整，好難走到數。 PSS: 今日係典型倫敦天氣 =頭沾濕，無可避免，倫敦總依總雨點~~~~~~~~~~~~
