20 JAN 2017(FRI)＿ 決定開始此BLOG非偶然，我一向都有寫開旅遊小記@BLOGSPOT，小旅行都有記錄再何況難得的英國生活。除了抒發，希望在英國生活中的香港人會有所共鳴，亦希望若干年後自己睇返會回味無窮=)) 長話短說，我是來讀一年MASTERS DEGREE的，位置在劍橋市，當初以極短時間開始APPLY學校，最後有驚無險出發，感覺仲未完全接受已經離開左香港。 離開香港已經好多次，這次比較特別，因為＿去圓夢，襯還未有家庭壓力和太多包袱時出走 心比較定(雖然已有老公)。臨上機時看著一個超熟悉，把我錫到燶的老公，居然喊唔出。或者係因為我同佢都唔係咁中意香港，而佢就更加FORESEE到自己仍然每天營營役役，我反而會有突破，好似要喊GE係佢。。。 個時就快新年，機票買左$3000，包2個行李，TOTAL46KG，我帶左一個KING SIZE GIP，一個小GIP和一個放左NOTEBOOK的大背囊。 訓左全程機，一落機係夜晚7點，海關見到我護照貼左STUDENT VISA貼紙，淨係問左我學校咩名就放人，行李都好快，用左一個中就離開左機場。 一出機場，凍到。。。係要戴手物個種凍。搭巴士去到酒店，攪CHECK IN，我的地呀! 原來我訂錯左日子，計錯左時間，以為21/1到達，原來係20/1........佢叫我即場比30鎊，睬佢都傻，上AGODA即訂都唔使20鎊。之後左攪攪右攪攪沖下涼就訓左。 21JAN2017(SAT) 一早起身，見到＿英國第一個日出!!!!!!!!!!!!!!!!!!!!因為太近機場，飛機橫過寫出個白色的H字。請自由組合 HOME, HOPE, HONG KONG, HAPPINESS, HELLO ~ 除左興奮，還有興奮。興奮係因為當初帶左大量英鎊過黎，而且跟身，又無買電話卡，我最依賴的WIFI無左。但我始終相信路在口邊同埋無野難到我的! 第一站去左一個中巴士車程的HAMPTON COURT PALACE，要搭巴士當然要靠CITYMAPPER呢個APP，都好好用，CAP定圖。去到原來做網上半價入場，因為1月係淡季，8.25鎊，入面又大又靚，好真實，最中意就係去人地屋企搗亂! 佢有免費的AUDIO機，不過我聽聽下就無跟佢條ROUTE自己行，皇宮真係唔需要經常去，就好似博物館咁，因為我中意刺激玩意多D，觀光有時我覺得悶，因為睇極都仲有 沒完沒了咁。 但到而家都好記得自己係皇宮個廚房大火爐前面取暖，燒柴時釋放個種氣味令人心醉，加上好溫暖，閉目享受左片刻。。。 離開後經過河畔，有位英國女仕主動同我講野，問下我部單反係咩型號_好NICE=)好有英國女人個種大方得體。 之後去搭車，因為巴士一日搭3次或以上都係收3次價錢，即係4.5鎊，所以我都好亂黎。我途經一間POUNDLAND，就落左車，一來驚劍橋無POUNDLAND，二來太多新奇產品，結果買左十幾鎊野。。。好CRAZY。。當然其實劍橋係有POUNDLAND的。 LUNCH食左個KFC就去RICHMOND PARK搵鹿，個公園超大的，睇台灣D BLOG話西南面個入口入去最快搵到鹿，結果真係，行左一陣就見到。 D鹿係超級靚的!!!!!!!!!!!! 有RED DEER同FALLOW DEER，同日本鹿唔同，係好有英氣的! 對鹿角好有美感，好讚，但佢地好怕人，行近D都閃，成個黃昏就係同佢地玩遊戲，相就影得唔多滿意，因為唔夠光且佢地係咁郁。 有機會，我會日出破曉時份再去一次!!!!!!!!!! PS 而家3月，已經暖左好多，但岩岩到埗時個種天氣真係好正! 呼吸都覺得薄荷，好清爽，如果我同人講，我最中意英國的天氣，唔知會唔會比人打，但我的確好中意超中意英國GE天氣!!!!!!!!!!!!!!!!!!!!!!
