前排少咗好多分享，真係無咩心情， 每日望住香港人左撲右撲頻搵口罩、消毒同防疫用品，真係好心痛好嬲。 相信近來大家同我一樣，身心疲倦，作為一個blogger同influencer， 我好想同大家分享親身幫襯過嘅網店，想大家都買到足夠嘅防疫用品， 唔洗擔心被呃錢或者要幫襯人血饅頭， 不過記得記得唔好囤貨，共享先唔會令價錢愈來愈貴， 同埋大家都有足夠防疫用品，先可以減少傳播。 好啦，入返正題，見到好多朋友都分享話被呃錢， 入完數等到頸都長都無口罩，賣家失蹤， 又話者D page呃like， like完又無口罩買到，又或者人血饅頭，賣到超貴。 我同大家一樣， 呢半個月都係日睇夜睇搵防疫用品， 但好好彩無被人呃錢， 所以想同大家無私分享， 如果睇完覺得有用，可以share吓畀朋友。 Thai Good Life 泰好生活 (www.facebook.com/thaigoodlife.hk) 呢間網店主要銷售泰國食品同用品，平時我都會訂吓零食。 店主眼見口罩供應咁緊張，所以都出一分力搵貨，價錢良心正常價， 之前買過一盒50個裝只係幾十蚊，有齊BFE同PFE， 就係因為佢哋幫手，我先有口罩，仲同咗幾十個家庭一齊分享。 聽店主講嚟緊好似有酒精返，大家可以留意一下， 因為市面上精酒都比較難搵。 Lucky Neko Gift Shop (www.facebook.com/Lucky-Neko-Gift-Shop-100795974753803) 呢間店係我喺marketplace度搵到，仲可以面交畀現金， 店主好有耐性解答， 而且仲好好人，好幸運揾到呢間小店。 佢哋主力賣D得意日本嘢，但近來都幫手搵防疫用品。 來自日本兒童口罩只係HK$30/一包5個裝，成人口罩HK$20/一包7個裝， 每次都係現貨銷售，貨量唔多，大家自行留意， 同埋盡量訂少啲貨等多D人買到。 Lookatme (www.facebook.com/lookatmehk) 呢間網店主要賣韓國衫， 我都幫襯咗幾年啦， 店主同老公好有心早前飛去韓國揾貨， 價錢同樣好良心。 我上星期訂 #酒精消毒棉， 每盒100只係平日HK$38價錢， 其實佢哋都有KF94口罩、搓手液等等， 價錢都係正常價，有需要朋友可望吓。 梨花 ewha care (www.facebook.com/Ewhacare) 梨花我介紹過好多次，肯定係唔會呃人錢， 我啱啱幫朋友一齊訂咗差不多60支 70%酒精濃度嘅搓手啫喱， 每支只係HK$78/300ml，正常月底返貨，大家唔洗再捱貴價， 只要有支細細支， 再自己泵嚟refill就得啦， 呢家仲可以訂，有需要就快啲買啦。 如果大家想我分享多啲，仲可以講吓幾間尖沙咀藥房， 我亦都試過買到假嘅酒精，好彩發現得早可以退錢， 香港人加油，我哋一定可以渡過難關！ 聯絡MsJovi： ww.jovi@ymail.com / www.facebook.com/blogger.ms.jovi Blogspot She Elle BeautyExchange UBeauty TheZtyle SheWIn Cosmopolitan FaceBook WeShare OpenRice
