男友喜歡食川菜，見到旺角呢間新派川菜店成日咁多人食， 所以book咗枱同佢試吓，呢間餐廳主打雞煲、酸菜魚同特式香鍋， 最特別嘅係先食完主菜，然後可以再加湯嚟打邊爐， 兩種唔同食法，啱哂兩口子食齊兩款味道。 餐廳裝潢簡約，坐位同坐位之間空間感不錯， 坐得都幾舒服，而且呢度抽氣都做得幾好，就算咁多人打邊爐， 食完之後個身都無咩味，唔會覺得成身臭。 有小食、主菜、又有雞煲同特式香鍋， 打邊爐同香鍋都有好多配料揀， 幾多選擇。 口水雞 HK$58 (推薦指數：4/5) 男友有別與平日食開嘅口水雞，食落都幾新鮮， 唔算話好辣，因為叫咗BB辣，入口好香，唔錯。 必食冷鍋酸菜魚 HK$148 (推薦指數：4.5/5) 呢個價錢呢個份量都幾抵食，絕對無因為平而魚得幾塊， 因為我唔食辣嘅關係，所以走咗辣，但同平日喺大陸食有少少唔同， 唔係話太酸，不過個味道唔錯，魚都好入味。 魚片好多肉，分量都幾多吓，一讚係好嫩滑同入味， 唔算好多魚骨，就算有都係大大條嘅魚骨，可以好放心咁食。 大部分魚肉食哂之後，當然急不及待打邊爐啦。 安格斯雪花肥牛 HK$188 (推薦指數：4.5/5) 呢個肥牛好食，牛味夠濃而不且份量都算幾多， 肉同油脂分佈都幾平均，所以入口相當不錯。 呢個價錢同質素比起好多火鍋點還好，如果要喺度打邊爐， 呢客雪花肥牛必點呢。 炸響鈴 HK$25 (推薦指數：3.5/5) 響鈴放入酸菜魚湯底確係好滋味，能夠索盡湯， 雖然唔脆同唔係即炸，但係打親邊爐我覺得響鈴係點必。 萵筍片同花菜 前HK$28後HK$25 (推薦指數：4/5) 呢度嘅蔬菜都好新鮮，連我最愛嘅萵筍片都好嫩好鮮甜。 總結人均消費大概HK$290，食物唔錯，可以安歌， 但好似圖中呢杯芒果沙冰就只用果糖打出嚟，完全無鮮甜水果味， 如果連飲品質素再提升，相信得分更高。 捌壹壹811 Sichuan Cuisine 地址: 九龍旺角染布房街12-14A號 聯絡MsJovi： ww.jovi@ymail.com / www.facebook.com/blogger.ms.jovi/ Blogspot She Elle BeautyExchange UBeauty TheZtyle SheWIn Cosmopolitan FaceBook WeShare OpenRice
