當晚排咗15分鐘左右,7點就入座,好多款甜品都已經售罄,想試芒果糯米飯刨冰、士多啤梨芝士蛋糕刨冰同埋朱古力榛子牛角窩夫都冇哂。 餐廳內有免費茶飲任飲,地方唔大,座位唔算太多,刨冰亦好受歡迎,唔怪得排咁長龍啦!入到餐廳先點餐付款,再坐定定等食。 👑無花果布甸蛋糕 $68頂層嘅忌廉好香滑,之後就係濃郁雲呢拿雪糕球,無花果布甸蛋糕食落有點略甜,不過配埋忌廉同雪糕一齊食就剛剛好😆 ✨士多啤梨忌廉牛角窩夫 $58牛角窩夫香脆可口,有窩夫嘅彈牙口感同時亦有牛角包嘅鬆脆,牛油味好香,配埋士多啤梨同滑溜忌廉酸酸甜甜,面層仲加上芝士碎粒,帶淡淡鹹香,真係又香又甜又好吃🤤 ✨雙色刨冰 $128刨冰設有original同baby size,可按照食量同人數選擇唔同size。今次試哩個係美祿同好立克口味,好立克味道唔算好突出,但另配咗一小杯美祿淋上冰度,味道就好香好濃郁😋刨冰屬於係雪花冰,食落質感綿密,完全冇碎冰,所以一啖接一啖都唔會覺得好凍。食到中間內層發現入面有啲軟淋淋嘅麵包粒,味道有啲鹹鹹地,感覺好奇怪,同刨冰好唔match。相反,脆卜卜麥提莎配綿滑刨冰令口感更豐富,味道都好夾👍🏻🔍整體感覺:室內裝修簡約舒適,細細間餐廳都有洗手間幾方便。點餐後職員會根據餐點提供合適餐具。見到出餐位每次都係出一份,基本上冇見過同時多過一份餐點出嚟,加上餐廳客人多,所以等待食物嘅時間略長。食物質素同味道都唔錯,刨冰以外嘅食物都做得幾出色,性價比都頗高,值得一試。下次一定要早啲去試吓芒果糯米飯刨冰🤣─ ─ ─ ─ ─ ─ ─ ─ ─ ─ ─ ─美味:👅👅👅👅環境:🪑🪑🪑🪑服務:🤵🏻♀️🤵🏻♀️🤵🏻♀️價錢:💰💰💰💰推介:☀️☀️☀️🌤📍After You Dessert Café銅鑼灣登龍街52號景隆商業大廈地舖─ ─ ─ ─ ─ ─ ─ ─ ─ ─ ─ ─ #chloefoodiary_銅鑼灣 #chloefoodiary #hkfood #hkfoodie #foodiegram #hkfoodblogger #foodiehk #hkfoodlover #hkeat #香港美食 #吃貨 #hkrestaurant #hkcafe #hkfoodholic #hkfoodblog #hongkongfood #hongkongfoodie #刨冰 #香港甜品店 #銅鑼灣美食 #甜品控