知道臺北棧喺海港城開咗分店，咁啱去行街就去試吓。過咗Lunch time主要時間，已經差唔多兩點鐘，所以唔洗等位，但係餐廳內都仲有大約8成滿。 裝修以粉紅色為主，喜歡pink pink嘅就要嚟打吓卡喇😆 一入門口左邊仲有幾張環形卡位，幾個朋友一齊圍埋傾吓偈就啱啱好😊 入到去右邊卡位牆上仲掛住有台灣景色嘅圖畫🖼 見到都好想去旅行🤣 👑麻辣牛肉麵 $148套餐包括三款隨機時令配菜，今次係香脆荀絲、酸甜開胃醃蘿白同埋生熟度剛剛好嘅流心蛋。麵底揀咗台灣寬粉絲，咬落煙韌彈牙；配料都唔少，牛肉味濃郁，略嫌肉質韌咗啲；麻辣湯底好香好濃，唔係好食得辣嘅我都試咗啖，味道幾好，對我嚟講真係有啲辣，但稍為食得辣嘅朋友仔應該會鐘意👍🏻 ✨滷水花膠 $158同樣係三款時令配菜，花膠爽口又入味，下層墊咗好多芽菜，芽菜都好爽脆，實際只有三小片花膠。台灣珍珠米飯粒粒分明好有咬口😋 ✨髒髒鹹蛋黃芋泥蛋餅 $88外層蛋餅煙韌蛋味好香，中間嘅爆餡芋泥質地軟滑，面層再加啲鹹蛋黃，整體味道鹹鹹甜甜咁，味道同口感都好豐富😋 ✨珍珠奶茶（套餐加錢轉飲） $25味道不過不失，亦冇咩特別，套餐要加哩個價錢性價比唔高。✨蜂蜜綠茶綠茶茶味濃郁唔苦澀，淡淡香甜蜂蜜味，味道唔錯，套餐已包括哩杯飲品，性價比高過珍珠奶茶。🔍整體感覺：餐廳環境裝修幾靚，位置都好多。職員服務一般，想要職員幫忙真係要俾啲耐性叫多幾次，態度亦失佳😓 食物質素同味道都唔錯，性價比就一般啦！─ ─ ─ ─ ─ ─ ─ ─ ─ ─ ─ ─美味：👅👅👅👅環境：🪑🪑🪑🪑服務：🤵🏻♀️🤵🏻♀️價錢：💰💰💰推介：☀️☀️☀️🌤📍臺北棧 (海港城) 尖沙咀廣東道5號海港城港威商場2樓2204-6號舖─ ─ ─ ─ ─ ─ ─ ─ ─ ─ ─ ─ #chloefoodiary_尖沙咀 #chloefoodiary #hkfood #hkfoodie #foodiegram #hkfoodblogger #foodiehk #hkfoodlover #hkeat #香港美食 #吃貨 #hkrestaurant #hkcafe #hkfoodholic #hkfoodblog #hongkongfood #hongkongfoodie #台灣菜 #台式飲品
