重新開業嘅牛角次男坊，菜單都煥然一新，對於"牛角"哩個名都有保證，所以一於試吓更新咗菜單之後味道如何！重開後用餐方式都唔同咗，以往係先付款再坐定定用餐，而家係先坐定定再以QR code掃瞄落單，最後離開時付款。 👑公司！燒肉丼定食 $77牛腹腩牛味夠濃郁，咬落好軟好腍滑。豚梅肉雖然冇咩肥肉，但都好腍，而且味道好香。牛舌好爽口，一啲都唔韌。丼飯配秘製醬汁甜甜地好好味，份量都唔少，夠哂飽😍 ✨燒草飼牛腹腩蔬菜丼配花椰菜飯 $67哩個丼飯並冇米飯成份，以花椰菜粒代替米飯，加埋沙律菜同牛肉，好適合戒澱粉質嘅朋友仔。沙律配麻醬味道好夾好開胃。牛腹腩腍滑，牛味香濃😄 ✨炸雞軟骨(L) $25新鮮熱辣辣炸起，一上枱已經聞到好香，食落夠哂酥脆，配埋沙律醬酸甜可口更加正😆 ✨亂刃燒牛舌 $25粒切牛舌味道好香，食落唔會韌亦有嚼勁，比起丼飯中嘅牛舌更有口感。✨溫泉蛋 $1212蚊一隻蛋唔平，但雞蛋蛋味好香濃，絕對唔係cheap cheap蛋，入口滑溜溜，撈飯都一樣係咁好食😋✨溫野菜 $12有椰菜花、西蘭花同甘筍，蔬菜幾嫩口唔老，份量都合理。🔍整體感覺：新菜單果然有新鮮感，第一次試花椰菜飯，感覺新奇得嚟又幾好味。小食味道都一樣做得幾好，尤其喜愛雞軟骨，脆卜卜得嚟又唔會覺得太熱氣😝 餐點份量都有誠意，味道亦唔錯，性價比好高👍🏻─ ─ ─ ─ ─ ─ ─ ─ ─ ─ ─ ─美味：👅👅👅👅環境：🪑🪑🪑🪑服務：🤵🏻♀️🤵🏻♀️🤵🏻♀️🤵🏻♀️🤵🏻♀️價錢：💰💰💰💰推介：☀️☀️☀️☀️🌤📍牛角次男坊荃灣大壩街4-30號荃灣廣場L1樓112B-113號舖─ ─ ─ ─ ─ ─ ─ ─ ─ ─ ─ ─ #chloefoodiary_荃灣 #chloefoodiary #hkfood #hkfoodie #foodiegram #hkfoodblogger #foodiehk #hkfoodlover #hkeat #香港美食 #吃貨 #hkrestaurant #hkcafe #hkfoodholic #hkfoodblog #hongkongfood #hongkongfoodie #日本菜 #牛丼 #丼飯 #燒肉
