姊妹生日梗係要食返餐慶祝啦！之前睇過好多人都推介哩間cafe，餐廳唔大，座位都唔算多，環境幾舒適，有慢活relax感覺，可以好好放鬆同姊妹聚會傾偈😄 ✨大澳虎蝦乾配北海道帆立貝龍蝦汁意大利飯 $168大大隻腍滑帆立貝配蝦乾，中西合壁新嘗試。龍蝦汁超級濃郁，每啖都好似飲緊龍蝦汁咁，但又唔會太濕，食落剛好。意大利飯亦煮得啱啱好，唔會硬之餘亦keep到有咬口😋 ✨蟹膏蟹肉卡邦尼 $158面層大大啖蟹膏，同時亦佈滿蟹肉。卡邦尼味道濃得嚟又唔會好膩，麵條質感亦好有咬口，每啖食落都係享受🤭 ✨宇治抹茶鮮奶 $56鮮奶幼滑濃郁，抹茶茶香唔苦澀，茶奶嘅比例同甜度都剛剛好，就算冇叫少甜都唔成問題。 ✨西村焙茶鮮奶 $52焙茶比抹茶多咗份炒焙香氣，味道同樣香濃，配埋香滑鮮奶，入口順滑又充滿茶香。 ✨伯爵茶忌廉巴斯克芝士蛋糕 $78要慶祝生日當然要食返件蛋糕🍰 伯爵茶芝士蛋糕配埋伯爵茶忌廉，茶味濃厚出色。蛋糕質地實在得嚟帶點軟滑感，再配合埋咁靚嘅擺盤當然不能錯過😍🔍整體感覺：環境幾舒服，職員服務亦幾好。雖然食物要等一陣，但味道同質素非常出息，等耐少少都絕對值得，價錢亦物有所值💛 哩間真係要多啲去食😆─ ─ ─ ─ ─ ─ ─ ─ ─ ─ ─ ─美味：👅👅👅👅👅環境：🪑🪑🪑🪑 服務：🤵🏻♀️🤵🏻♀️🤵🏻♀️🤵🏻♀️🤵🏻♀️價錢：💰💰💰💰推介：☀️☀️☀️☀️☀️📍Layback Cafe & Bar 銅鑼灣耀華街3號百樂中心17樓02-03號舖─ ─ ─ ─ ─ ─ ─ ─ ─ ─ ─ ─ #chloefoodiary_銅鑼灣 #chloefoodiary #hkfood #hkfoodie #foodiegram #hkfoodblogger #foodiehk #hkfoodlover #hkeat #香港美食 #吃貨 #hkrestaurant #hkcafe #hkfoodholic #hkfoodblog #hongkongfood #hongkongfoodie #西餐 #birthdaydinner #hkcafe
