哩間餐廳之前都食過，味道幾好。12點左右行過，見人唔多就試埋佢個午餐先😆 店內位置都幾多，今次坐窗邊位可以望住海景食飯，仲剛剛落完雨出太陽，景色好靚😍 職員隨時關注客人嘅需要，基本上唔需要點等，一舉手就有人埋嚟落單。細細張圓枱仔放兩個餐剛剛好。 午餐signature set 分A餐同B餐，分別在於揀兩個前菜定係兩個主菜。餐湯係雜菜湯，味道夠香濃又足料但唔係味精湯，細細碗好得意💜 餐飲冷泡伯爵茶唔洗加錢，夠凍之餘茶味濃郁，亦可以加錢轉其他飲品。點擊圖片放大 +2 ✨午餐A $78~鮮果乳酪沙律：我覺得哩個可以當頭盤亦可以當飯後小果盤，雖然細細兜但都幾足料，有幾款水果可開胃亦可消滯👍🏻~日式餃子：哩個出乎意料，餃子皮香脆而唔會硬，食落脆卜卜好香口，餡料肉味香濃，係我今餐最愛嘅菜式😍~野菜豆腐魚餅：外皮同樣帶點香脆，餡料香濃軟滑豆腐配上爽口野菜，再加埋彈牙魚肉，多重質感配合起嚟口感有層次🤤~珍珠飯：白飯睇得出係日本珍珠米，面層較乾身嘅飯煙韌好咬口，可惜下層有一半都太濕太腍😅 ✨午餐B $88~草莓牛油果雞胸沙律：雞胸肉唔韌，草莓亦香甜唔酸，再配上牛油果同杏仁片，味道豐富又夠健康。~日式咖喱雞扒：雞肉質感夠腍，咖喱味道不過不失。~慢煮燴牛面頰：味道濃郁又入味，牛肉入口即溶又腍又滑😋🔍整體感覺：餐廳環境同衛生都唔錯，職員工作有效率，落單絕對唔會叫極都冇人理😂呀上菜好快，落單後5分鐘內送到，一大盤整整齊齊擺盤又靚👏🏻 食物質素都味道都好好，有菜有肉營養均衡，套餐有齊咁多款野食，性價比極高🤩─ ─ ─ ─ ─ ─ ─ ─ ─ ─ ─ ─美味：👅👅👅👅環境：🪑🪑🪑🪑 服務：🤵🏻♀️🤵🏻♀️🤵🏻♀️🤵🏻♀️價錢：💰💰💰💰推介：☀️☀️☀️☀️📍Peko Peko Eatery荃灣大河道100號海之戀商場1樓1006-1007號舖─ ─ ─ ─ ─ ─ ─ ─ ─ ─ ─ ─ #chloefoodiary_荃灣 #chloefoodiary #hkfood #hkfoodie #foodiegram #hkfoodblogger #foodiehk #hkfoodlover #hkeat #香港美食 #吃貨 #hkrestaurant #hkcafe #hkfoodholic #hkfoodblog #hongkongfood #hongkongfoodie #西式 #午餐 #日式便當 #多國菜 #fusion
