愉景新城分店已經開咗一段時間，今次就試吓先～餐廳係長形設計，分咗兩個舖位，以梳化位為主，顏色用咗黑色同紅色，設計睇落cool cool 地。 12點冇乜人，大把位慢慢揀，坐低後就陸續有人入座，1點左右就真係排哂隊要等位喇！餐廳位置唔太寬敞，不過勝在係梳化，都坐得舒服嘅。落單後食物大約10分鐘內送到，時間都合理嘅。 ✨紫蘇燒豚梅肉拉麵 $98醃筍好爽口又好味，食到停唔到口😋 豚梅肉肥瘦剛剛好，一層膏一層肉，又腍又香肉味；流心蛋都好滑溜溜；而麵質就剛剛好，唔會太腍太硬👍🏻 湯底略嫌唔夠濃郁，味道夠淡，拉麵湯底杰身少少會香濃啲。 ✨辛燒豚梅肉拉麵 $98豚梅肉同樣係咁香腍，流心蛋同麵條都有水準。但湯底同樣係唔夠好，味道偏淡，辣味又唔太夠。 ✨自家製餃子 $62餃子味道正常，不過不失，外皮唔會太厚，餡料亦都夠多。🔍整體感覺：餐廳環境唔錯，坐落都幾舒服，上菜都算快，職員亦好客氣，態度ok。食物味道同質素都唔錯，主要係湯底差啲啲，而麵條嘅份量都唔多，我自問食量唔大，但都覺得唔係咁夠，可能係預大家會叫埋小食啩😂 性價比就普通啦，可以一試嘅！─ ─ ─ ─ ─ ─ ─ ─ ─ ─ ─ ─美味：👅👅👅環境：🪑🪑🪑🪑 服務：🤵🏻♀️🤵🏻♀️🤵🏻♀️🤵🏻♀️價錢：💰💰💰推介：☀️☀️☀️🌤📍三代目荃灣青山公路荃灣段398號愉景新城1樓1064-1065號舖─ ─ ─ ─ ─ ─ ─ ─ ─ ─ ─ ─ #chloefoodiary_荃灣 #chloefoodiary #hkfood #hkfoodie #foodiegram #hkfoodblogger #foodiehk #hkfoodlover #hkeat #香港美食 #吃貨 #hkrestaurant #hkcafe #hkfoodholic #hkfoodblog #hongkongfood #hongkongfoodie #拉麵 #日本菜 #日式料理 #豚梅肉 #煎餃子
