肥b要去荔枝角做野，我去接放學順便去試新野😏 哩間嘅招牌係德國鹹豬手（2人份量），但我地得兩個人，又想試多啲野，所以就決定叫返一人一個set lunch。 ✨蒜辣白酒鮮蝦大蔥意粉 $158意粉蒜味香濃，蝦肉香甜爽口🦐 意粉有咬口又唔會太硬。香香辣辣肥b食落好滋味😋 唔係好食辣嘅我都鐘意佢個味道，不過試食一啖就要即刻飲水😂 ✨素肉醬芝士蕃茄意粉 $118雖然係素食，但肉醬像真度好高，冇真正嘅肉醬咁濃味，不過都好香，加埋芝士更惹味，係健康好味嘅新食法👍🏻 ✨忌廉蕃茄羅勒湯配法包蕃茄味超濃郁，不過唔覺有乜忌廉味😅 飲落少少酸好開胃，配埋法包點湯食效果都唔錯👏🏻 ✨菲達芝士火腿沙律芝士好香軟，火腿粒帶鹹味，配埋沙律菜味道剛剛好，仲意外地發現芝士粒配法包超好味🤤 ✨是日甜品：芝士蛋糕食落有芝士蛋糕嘅幼滑厚實感，但味道偏淡，芝士味唔夠香濃🧀 不過set lunch附送甜品，哩個質素都係正常嘅😊 ✨凍檸檬茶自己加糖水，甜度可以自行調教，紅茶底唔夠香，飲落冇乜茶味，同飲檸檬水差不多😅 🔍整體感覺：好彩我地12點半前去到，冇訂位都仲有walk-in quota✌🏻 之後就陸續見到好多已經訂咗枱嘅人嚟到，有人想walk-in 都冇位，想lunch嚟食哩間就記得要book定位喇！食物整體都唔錯，反而甜品同飲品就一般，但lunch哩個價錢有齊咁多款野食，性價比好高👍🏻─ ─ ─ ─ ─ ─ ─ ─ ─ ─ ─ ─美味：🍩🍩🍩🍩環境：🍩🍩🍩🍩服務：🍩🍩🍩價錢：🍩🍩🍩🍩推介：☀️☀️☀️☀️📍The Salted Pig (D2 Place) 荔枝角長順街15號D2 Place二期地下G02號舗─ ─ ─ ─ ─ ─ ─ ─ ─ ─ ─ ─ #chloefoodiary_荔枝角 #chloefoodiary #hkfood #hkfoodie #foodiegram #hkfoodblogger #foodiehk #hkfoodlover #hkeat #香港美食 #吃貨 #hkrestaurant #hkcafe #hkfoodholic #hkfoodblog #hongkongfood #hongkongfoodie #西式 #德國鹹豬手 #英倫風
