今次獲邀試飲Trouble Tea😊 佢地嘅手搖飲品主打健康、少甜，而水果茶係採用新鮮生果調製，並無額外添加。而且仲有多款不同口味嘅招牌珍珠鮮奶茶(黑糖味、宇治抹茶味、Oreo味、阿華田味等等)，款式多多可以慢慢揀呀🤓 我同肥b就決定一人試一杯唔同系列飲品😆 ✨黑糖波波芋泥鮮奶 $32 一飲落口黑糖味好香好突出，之後就飲到芋泥味，後來就係鮮奶，每一種味道都冇被蓋過，反而突出咗層次感👍🏻 芋泥夠香夠濃，鮮奶幼滑，配合埋黑糖甜度就剛好😋 ✨紅柚梳打 $30 紅柚味道係我喜歡嘅酸酸地帶少許苦澀感，哩啲先係正宗嘅紅柚😏 配咗梳打水之後苦澀味會少咗，所以怕澀嘅朋友都可以試吓😆 不過我自己覺得紅柚味唔夠濃，因為梳打水嘅氣泡感會令配料味道減輕咗，建議果味可以再加重啲💪🏻 🔍整體感覺：店舖地店鄰近地鐵站出口，交通都易達，小店係簡約文青風格，要打卡都係一個唔錯嘅選擇📸 哩間小店仲會不時有應援活動，fans們又多一個地點支持偶像💪🏻 而茶飲種類都幾多，總會揀到一杯啱心水🥤 ─ ─ ─ ─ ─ ─ ─ ─ ─ ─ ─ ─ 美味：🍩🍩🍩🍩 環境：🍩🍩🍩🍩 服務：🍩🍩🍩🍩 價錢：🍩🍩🍩 推介：☀️☀️☀️🌤 📍Trouble Tea 油麻地咸美頓街16號地舖
