行過幾次都好多人等，今次唔洗等位即刻試吓先😏 餐廳坐滿哂人，地方唔算大，除咗獨立卡位外，長卡位每張枱嘅距離都比較近，感覺有點兒擠迫。除咗石燒之外，仲有丼飯、烏冬、意粉、蛋包飯可以揀，每項食物都包一杯餐飲，如果想轉套餐可以俾多$29揀3款加配食物，無論係食物單價定係套餐價錢都幾抵食👍🏻 ✨金標和牛肩胛肉溫泉蛋珍珠米丼 $118和牛果然係唔同啲，肉質夠腍，牛肉味亦香濃，溫泉蛋撈飯包滿蛋液，珍珠米夠飽滿漲卜卜，而且粒粒分明又好好咬👍🏻 ✨巨棒蟹柳頂級牛板鍵忌廉滑蛋珍珠米丼 $108超大條蟹柳配埋頂級牛板鍵，牛肉味都夠香，但可惜咬落有啲韌，忌廉滑蛋蛋味夠香，質地幼滑😋 同米飯一齊食，滑蛋嘅滑溜溜同米粒煙韌咬口嘅感覺有衝突但口感更豐富👏🏻 ✨荔枝冷泡茉莉花茶 $9 餐飲轉配睇到個名以為係一杯有荔枝味嘅茉莉花茶，嚟到發現竟然有荔枝肉，但飲落其實完全冇荔枝味...原來係荔枝肉+茉莉花茶。老實講係有一點點失望，但見到有荔枝肉又感覺的確係真材實料😂 ✨凍檸檬茶 $3 餐飲凍飲正常味道檸檬茶，表現不過不失，茶底唔苦澀👌🏻🔍整體感覺：餐廳用QR code自助掃瞄落單，落單後5分鐘左右就已經有野食，速度之快簡直係意料之外😱 雖然上菜時間好快，但食物質素並冇因為咁樣而受影響，哩個份量夠哂大，價錢亦抵食，證明就算係快餐都一樣可以高質👍🏻😆─ ─ ─ ─ ─ ─ ─ ─ ─ ─ ─ ─美味：🍩🍩🍩🍩環境：🍩🍩🍩服務：🍩🍩🍩價錢：🍩🍩🍩🍩推介：⭐️⭐️⭐️⭐️📍火山燒 (荃灣)荃灣大壩街75號地舖
