6點半坐低都仲有好多位，一到7點就開始人多，果然好受歡迎。點菜時識員原來係講韓文嘅，好有韓國feel🇰🇷是日菜單： ☆海鮮蔥餅 - 出乎意料咁好味，餅底香脆，再配埋足料海鮮，加上少許蔥更加香。 ☆蜂蜜黃油炸雞 - 完全冇諗過炸雞係咁嘅味！一放低就聞到好香蜂蜜味🐝一放入口...炸雞面層嘅粉好香甜，但又冇蓋過雞嘅味道。表層脆口，雞肉嫩滑仲保留肉汁，兩者配搭得天衣無縫，唔點醬汁都已經好好味👍🏻 ☆炸醬年糕 - 由於蔥餅同炸雞實在太出色，年糕相比之下較為遜色，但味道都唔錯嘅。不過真係要趁熱食會好啲，我哋掛住食炸雞同蔥餅，年糕放涼咗先食，年糕凍咗有啲韌，麵底都癡埋變咗一舊。 ☆奧利奧奶昔 - 唔會太甜，但又好夠味，不過會飽肚啲😆 ☆西柚碳酸水 - 西柚味夠哂濃，又唔會酸，係我最鐘意嘅味道😋整體今次體驗完全意想不到，下次一定要再去食，極力推薦👍🏻👍🏻👍🏻餐廳資料：Bingo & Cook (銅鑼灣)銅鑼灣駱克道487-489號駱克駅2樓
