晚餐時間真係要早啲去攞位,我地6點入座都仲有位可以揀,6點半開始已經滿座喇。 環境舒適乾淨,裝修幾靚。我同阿豬媽都叫左pancake,肥b就一貫作風,要食咸點做正餐😄 Mango & Coconut PancakePancake蛋味好香,充滿空氣感,所以食落軟綿綿。芒果略酸,有少少影響咗,好彩有啲椰奶香味中和返啲。烤椰子餅碎食唔到椰子味,同普通餅碎差不多,而芝麻脆片就......佢俾得太"大"片,Pancake面個一粒仔黑色嘅,唔講都唔知係咩😂 Banoffee Creme Brulee PancakePancake水準keep得好好,同阿豬媽個個一樣咁好味,軟綿綿感覺配埋脆卜卜焦糖好夾,拖肥醬同雲呢拿吉士醬都好好味,亦唔會太甜。 Iron Grilled Flank Steak咸點都做得幾出色,5成熟牛排好稔好滑,薯條新鮮炸好香脆,薯味濃郁。以哩個價錢,質素算係幾好。 今次晚餐整體表現都幾優秀,我下次再嚟要試下咸點先😆