話咁快同肥b一齊走過8年，時間真係過得好快。週年紀念揀咗 The Grill Room慶祝🎉由於去到已經好多人，所以今次冇影到餐廳環境。估唔到平日都竟然滿座，果然好受歡迎！2個人食得唔多，叫兩份dinner set太多，所以我哋選擇單點，soup + starter + main course + dessert... 忌廉蘑菇湯味道濃郁，每啖都咬到磨菇，配埋忌廉好香，正正係我最喜歡嘅味道😋--- 好耐冇去西餐食青口，平時食自助餐嘅青口都係普普通通食得入口嗰啲，今次就叫咗香草白酒煮青口配黑松露薯條。哩個青口好香好夠味，我哋好快就食哂，一食就知絕對唔係啲cheap cheap青口👍🏻 每條薯條都有香濃黑松露味，感覺每一條都好值錢😂--- 主菜係燒美國安格斯肉眼扒配黑松露薯蓉。肉眼扒揀咗5成熟，入口好林，肉味濃郁。之前食過哩間已經愛上佢啲黑松露薯蓉，入口又棉又滑，薯味香，黑松露味濃。哩個菜式係嚟哩度必食之選🤤--- 甜品當然食78%朱古力心太軟。朱古力濃度達78%，所以唔會太甜（我雖然鐘意食甜品，但試過食太過甜嘅心太軟都有啲怕怕）切開一半就望到啲朱古力流出嚟，真係正宗心太軟。--- TROPICAL PUNCH 味道甜得嚟帶微微酸味，剛剛好中和返，係小朋友都啱飲嘅fruit punch，啱哂我哩個唔飲酒嘅小朋友😆✤最後我哋2個食到捧住個肚走，夠哂飽呀！2隻小肥🐷都對今餐極之滿意👍🏻餐廳地址：The Grill Room (The L. Square) (銅鑼灣)銅鑼灣駱克道459-461號The L. Square 5樓
