最近睇到幾篇介紹Sensu嘅文章，一個二人份下午茶唔洗$200😆 當然要去食下啦！下午茶2:30開始供應，但2:00開始已經見到門口排緊隊。Sensu有別於其他餐廳，係可以提早入座，但用餐時間都係90分鐘。假如2:00入座，2:30先有下午茶供應，就淨返60分鐘用餐。 嚟哩度嘅人當然大部分係食下午茶，每枱只限叫一個tea set，姐係4個人想食2個set嘅話就要分枱坐喇😂一見到tea set menu當然好吸引啦，$188竟然有咁多嘢食，見到覺得真係好抵。但請睇清楚，上面已列咗tea set只係得8樣食物，圖片係只供參考嘅。甜點鹹點嘅圖片係供顧客加配嘅。平時去食下午茶都幾飽嘅，但哩度提供加配，咁係預咗大家唔會夠食？🧐tea set 有咩食就唔再詳細講喇，食物嘅味道同質素好簡單形容哂～唔難食！但有一樣唔明嘅係--2人份量嘅下午茶只有1件香芋雲卷？唔通覺得俾多1件會食唔哂🤔其實價錢$188相比其他食下午茶嘅餐廳的確優惠好多，所以食物較普通都係正常嘅，食之前有定心理準備就可以喇！ 我哋今日3個人去，叫咗tea set 再加明太子大蝦意粉配南瓜湯。食物味道正常，整體算係合格。餐廳下午茶時間唔提供book位服務，一定要walk-in，所以要試嘅朋友要早啲去排喇。如果有時間可以去試下，至於冇時間排隊嘅朋友仔...我建議去食啲book到位嘅餐廳啦😊餐廳地址：SENSU (荃灣)荃灣楊屋道1號荃新天地一期UG樓78號舖
