今日去開深水埗又想食台式餐廳，上openrice search見到好多人讚，就去哩間試下🥢 未夠中午12點去到，唔係太多人，位置可以任揀😆 同肥B叫左兩個午餐再加小食，飽到捧住個大肚腩🤰🏻點擊圖片放大 ^-^為食妹choice... 招牌紅燒牛肉牛骨湯麵：大大件蘿蔔，一排牛肉，再配埋香噴噴牛骨湯底。一上菜就聞到香味，急不及待想食🤤 湯底味道夠濃郁，又唔會過鹹；麵條煙韌好咬；牛肉夠淋身，入口即溶；配生菜夠醒目，吸哂湯汁一定好味👍🏻 茉香珍珠奶綠：可能因為加錢轉配係大杯啲，所以餐廳好貼心地用外賣杯裝，咁就唔怕飲唔哂會浪費啦！茉莉花味好香，奶味都有，但茶味有啲唔多夠，所以飲落覺得唔夠濃。*-*肥B choice... 鹽酥大雞排牛骨湯米粉：湯底唔洗講有幾好味，同牛肉麵湯底係一樣嘅。米粉一樣吸哂湯汁味道，啖啖牛骨湯味好正。雞排外皮唔係硬嗰種脆，但一樣有少許脆，食完唔怕好熱氣，鹹味剛剛好。 冬瓜茶：食完鹹點飲返杯甜蜜蜜冬瓜茶，味道香濃又好飲。'-'小食配搭... 甜不辣：以優惠價加配夠抵食，點埋醬汁食落就唔會dry。 蚵仔煎：味道唔錯，食落質感都似係台灣原味道，但唔夠蛋香，可以更好💪🏻今日有啲似喺台灣淡水老街食左個豐富午餐，大滿足‼️職員嘅服務態度都好好，一定要encore😋 P.S. 辣菜脯果然夠辣，肥B不嬲都食開辣，一啖食落去都忍唔住要飲返啖冬瓜茶😂🤫餐廳地址：古早牛肉麵 (深水埗)深水埗福榮街116號地舖
