深水埗越來越多打卡cafe，梗有一間喺左近👈🏻👉🏻 瑪姬E帶我走去食素，聽到素食就知清清地岩哂我呀👍🏻 一行入餐廳就有強烈嘅文青感覺（可能係書櫃嘅觀感影響，但個櫃其實大部分都唔係書🤣） Menu上嘅菜式都好吸引，樣樣都想試🤤 今次我就揀左椰菜花米形意粉（走五辛）+熱情果檸檬梳打，瑪姬E就食竹炭野菌包+凍黑豆茶。 係紫色椰菜花呀😍 可以抗氧化，仲有好多好處架！米形意粉咬落細細粒好得意，中間仲有切粒秀珍菇、白色椰菜花同埋核桃。第一啖食落好驚喜，整體配搭得好好，味道都夠濃郁。但食左十啖左右，開始覺得越來越咸 & 太濃味，食左差不多半碟已經要放棄。其實味道係好味嘅，只要唔係咁咸就perfect喇！ 而竹炭野菌包竟然出乎我意料之外，平時去食野我都唔會揀食啲包類食物，所以我冇諗過要試，但個意粉太咸食唔到，所以就偷左瑪姬E啲野食😆 蕃薯條真係一食不可停手，蕃薯又香又甜又好吃，熱辣辣食真係不得了。野菌包中間夾滿菇菌，又係我不能抗拒嘅食物😏 麵包底搽左一層芥末蛋黃醬，令一個普通嘅麵包多左個亮點，提升左成個包嘅級數。 至於餐飲…熱情果味有；檸檬味有；梳打水有汽，哩杯要加24蚊其實就有啲啲貴嘅，就係咁！不過喺我最需要飲野嘅時候飲一啖，的確幫我解咸不小😂 普通餐飲有得揀黑豆茶其實幾好，黑豆都係好多好處架！瑪姬E表示黑豆味夠濃，但竟然唔洗加錢，咁就值回票價啦！ 哩間素食都唔錯，只係今次我感覺碟意粉咸左啲，但食物質素其實幾好，菜式配搭都係夾嘅，下次一定會再去，不過要試下減鹽🤣地址：素年 (深水埗)深水埗汝州街132號地舖
