Mschichi 港妻廚房- 麻藥蛋手殘程度⭐️⭐️⭐️⭐️⭐️味道⭐️⭐️⭐️⭐️⭐️價錢 ⭐️⭐️⭐️⭐️⭐️好玩度️ ⭐️⭐️⭐️⭐️⭐️回頭率 ⭐️⭐️⭐️⭐️⭐️今日我整咗呢個好簡單嘅麻藥蛋，一聽到個麻字你可能好自然會諗起個辣字🤣🤣 但麻藥蛋其實一啲都唔辣㗎，當然你都可以加啲指天椒碎， 咁可以整個味道更加豐富啦！ 🥰🥰佢嘅味道甜辣鹹鮮都有， 重點係佢主要嘅調味料喺日常家居都已經有， 而無需要買額外好特別又少用嘅調味料。所以如果你屋企已經有齊以下調味的話，立即就可以動手試吓整㗎啦。材料： 日式醬油 2 湯匙 糖 2 茶匙麻油 2 茶匙蒜 2 湯匙蔥 2 湯匙烘芝麻 1 湯匙藤椒油1茶匙+- 辣椒 2 條👉🏻雞蛋從雪櫃取出，放回室溫解凍👉🏻煲滾水，加入白醋可以加速蛋白凝固👉🏻輕輕放入雞蛋 👉🏻輕輕力慢慢地約半分鐘轉動雞蛋一次， 可以幫助蛋黃置中👉🏻中大火烚5:30 - 6:00 分鐘👉🏻熄火， 立即放入冰水降溫10分鐘👉🏻去殼， 在pat pat位開始剝殼成功率比較大 👉🏻將所有醬料撈勻， 試味， 調校至心目中的濃度👉🏻將所有去殻的雞蛋放入醬料👉🏻加飲用水至所有醬料覆蓋雞蛋 👉🏻放入冰箱雞蛋格， 至少雪藏24小時 👉🏻如果希望節省醬料， 可用保鮮袋儲存👉🏻如果不能把所有醬料覆蓋雞蛋， 便要定時轉動醬料和雞蛋， 以確保染色平均👉🏻二十四小時後， 可用乾淨的線或鋒利的刀把雞蛋切開👉🏻完成 ✅
