地址： 樂富廣場A區1樓露天平台之前行街經過領展嘅商場， 見到呢個氹氹轉嘅介紹展板好特別！ 我就同老公停下來慢慢睇吓究竟宣傳啲乜。😛 呢個idea都真係幾好又環保，佢嘅意思係將濕咗嘅雨傘放入一個去水器入邊，去水器入面有d 條狀的毛巾，去水器係放置喺氹氹轉嘅中間。 之後你可以企上去玩氹氹轉或者佢幻想周邊都有好多小朋友或者大人玩氹氹轉，之後就會隨着轉動，去水器入邊嘅毛巾同埋雨傘磨擦，就會將雨傘上面嘅雨水抹乾。 我哋就去咗呢個除水氹氹轉嘅位置去實地睇吓咁得意嘅設施啦。設施隔離有兩個專責介紹環保設施嘅工作人員，佢哋都好殷勤咁樣介紹 ， 仲同我哋一齊企上氹氹轉到一齊轉動呢個設施。 😂😂💃🏻🕺🏻💃🏻🕺🏻 不過設施始終太重太大， 如果得我地兩個轉動嘅話，我哋應該轉半個鐘把遮都未乾 🫥🫥🫥 所以我哋玩完都覺得呢舊野可能有啲華而不實嘅感覺 🤭🤭不過呢個概念都係好嘅！！ 希望遲啲呢啲類型嘅設施都可以得以改良， 又可以發揮到佢嘅功效， 又可以使用得好方便啦 ❤️❤️
