Peko Peko Eatery (勝利道)地址: 何文田勝利道1-3號地舖電話: 26882350=====================味道⭐️⭐️⭐️⭐️⭐️價錢 ⭐️⭐️⭐️⭐️⭐️服務 ⭐️⭐️⭐️⭐️⭐️回頭率 ⭐️⭐️⭐️⭐️⭐️今晚我同老公返母校去睇表演。所以就喺學校附近旺角近何文田搵嘢食， 到夜晚呢度冇咗啲學生周圍都靜英英。 本身諗住去一間出名嘅平民扒房鋸扒， 不過之前都喺銅鑼灣食過， 所以就諗住去搵吓其他 。 行呀行吓之後就比呢間餐廳嘅輕食Menu吸引咗😍😍😍價錢好親民每一個餐都唔超過$200， 最貴都係168， 最平可以118， 已經包晒餐湯， 餐包同飲品！ 抵抵抵！ 雖然佢係叫做輕盈晚餐， 但係原來份量一啲都唔輕盈！ 慢煮燴牛面頰 $168有整整三大嚿！ 啲配菜都好好味， 仲好特別咁有兩舊蓮藕同埋香烤過嘅粟米切片😍😍 最上面係鮮嫩既露筍~~~ 值得一讚係底下既薯角。外面超級香脆， 入邊都係我鍾意嘅薯蓉質地🥰🥰 啲薯角竟然浸咗落啲牛扒汁度， 都仍然無影響佢嘅口感， 依然都係脆口脆口 ❤️😈忍唔到口， 食完一舊又一舊😮💨😅😅 肥仔肥仔海膽三文魚子竹炭烏冬 $168竹炭烏冬個樣特別烏黑黑， 但又唔似墨魚麵咁食到成個口黑色 😂😂 幾好幾好！ 呢到既海膽絕對唔孤寒！ 一大舊肥嘟嘟咁放上面！ 質素都好唔錯， 至少係一格海膽， 而唔係一pat 嘅海膽碎👍🏻👍🏻👍🏻 意粉嘅海膽醬絕對不能錯過， 當佢好似濃的海膽湯咁樣飲都不為過 😆 啖啖意粉都食到濃濃嘅海膽味就一定！ Charcoal Latte 竹炭椰子 $32果時我想問佢可唔可以decaf 走咖啡因， 不過佢話呢杯係冇咖啡因嘅飲品嚟嘅， 所以唔想飲咖啡因嘅朋友都可以放心試吓 👌🏻👌🏻💯跟餐特飲就係可以原價減$10。 佢啲飲品來講係餐廳都唔算貴， 本身$42所以減$10的變相$32都合理價錢🤤🤤竹炭就一向都係噱頭預左冇乜特別味道嘅， 而椰子味佢就屬於清淡嘅椰子味， 唔算好香濃果type， 但係成杯飲品嘅質地都好香滑， 所以都算唔錯 🫶🏻勝利道呢條食街實在有好多食肆選擇。估唔到呢間咁受歡迎嘅食肆， 價錢合理又可以做到高質的食材實在抵讚🥰🥰 用心的餐廳🫶🏻🫶🏻#dessert #comfortfood #foodlover #hkfood #hkfoodie #foodie #foodiehk #hkfoodies#hkfoodblogger #hkblogger #hongkongfood #相機食先 #香港美食#mschichi旺角想睇更多就Follow Mschichi_wifey 的 IG 啦 ❤️www.instagram.com/mschichi_wifeyU Blog https://blog.ulifestyle.com.hk/article/mschichi點擊圖片放大 +4
