而家疫情好啲啦終於， 條街都多咗好多人， 但海洋公園迪士尼嗰啲我就未有興趣同咁多人一齊迫啦😆😆 反而我哋今次拉埋屋企人去咗應該人少少嘅地方， 做吓啲靜態啲嘅活動 🐟🎣🐡我哋今次嚟咗大埔一個魚排嗰度釣魚， 諗翻起上次釣魚可能都已經係？ 10年前lu ⏱ 我哋兩公婆都唔係好識釣魚， 亦都無一齊去釣過魚， 不過俾人少少都可以嚟一齊試吓嘅 🧪 自駕釣友：沿汀角路經過工業村後直去至看見三門仔路牌右轉比華利山方向，一直去到盡頭看見海鮮酒家，海鮮酒家左邊有一下斜小路，沿小路直落就到達聯益碼頭。呢個魚排喺大埔三門仔對出5分鐘船程就到， 我哋都係搭巴士去到三門仔碼頭， 之後再跟上面的方法搵聯益碼頭。到達碼頭後打俾魚排負責人， 5分鐘之後就見到有寫住《水中天》 嘅艇仔來接我哋啦 🤩🤩🤩 再過多5分鐘就已經到達魚排🥰 好方便好方便 😚😚🤟🏻🤟🏻🤟🏻 魚排嘅玩法係比$150入場。二十四小時營業。入邊都有小食， 粉面， 飲品， 炒粉麵飯可以幫襯。所以都唔驚入到去會餓親啊 ！ 而釣魚用具方面入邊， 都有個Store可以購買。 當然高手就一定會帶備自己嘅漁具啦 。今次我哋拉埋我爸爸一齊去， 所以爸爸就已經幫我哋準備好釣魚嘅工具。 魚餌方面， 魚排入邊都可以選購， 不過佢哋就建議客人自備， 因為魚排入邊嘅數量都係不定時供應。而我爸爸就去咗九龍果邊嘅旺角街市相熟舖頭買魚餌。而我住大埔嘅朋友就建議我哋喺大埔街市買一份蝦仔 🦐🦐咁其實新手來講都已經好夠玩啦 🆕🎉 魚排釣魚任釣，釣到的魚可加錢拎返家，每斤$50 - $70。 釣的泥猛，烏頭就可以免費拎走添！ 急凍蝦仔每份20， 南極蝦磚每份45 。 雖然到最後我乜嘢都釣唔到， 但係淨係坐喺度吹下海風放空一下， 同屋企人吹下水都好舒服😌 chill 🍃🍃🍃 好玩度️⭐️⭐️⭐️價錢 ⭐️⭐️⭐️⭐️回頭率 ⭐️⭐️⭐️水中天大埔三門仔鹽田仔東面魚排聯益公眾碼頭http://www.watersky-fishclub.com/想睇更多就Follow Mschichi_wifey 的 IG 啦 ❤️www.instagram.com/mschichi_wifeyU Blog https://blog.ulifestyle.com.hk/article/mschichi
