老公接收工突然好想食個美味Burger, 呢間 "The Butchers Club Burger" 想食好耐喇， 每次落太古城都匆匆忙忙經過， 今晚終於有時間可以輕鬆一吓， 品嚐一吓。 漢堡店環境好有美國餐廳色彩， 好適合情侶， 好友同三五知己一齊享受生活， 飲吓酒傾吓計。 睇睇餐牌除了主打 <漢堡包> 之外， 還有扒餐， 炸魚薯條及一d小食， 齋系Burger 都有好多款式喇 。 點擊圖片放大 +2 經服務員介紹我選擇了 [The Classic 經典漢堡] , 除咗厚厚嘅漢堡之外， 芝士、番茄、酸青瓜之外， 竟然仲加上煙肉喎。 麵包有烘培過， 令麵包鬆鬆軟軟。 厚厚嘅漢堡中心位仲係粉紅色， 嫩嫩的唔算有好多肉汁， 但配合脆脆嘅煙肉同佢地醬汁真係好 match. 點擊圖片放大 +2 老公就點了 [Captain Ahab 亞哈船長漢堡], 船長漢堡就當然係魚啦， 即叫即整， 所以炸得脆脆嘅紐西蘭青衣魚柳一d 都唔油膩， 魚柳好厚身， 炸得一d都唔乾， 仲好幼嫩， 除咗漢堡之外， 魚柳都值得推介。 食漢堡包點可以無薯條呢！ 所有我地點了[Duck Fat Fries 鴨油炸粗薯條], 其實唔知鴨油係咩味就唔知， 但呢個薯條炸得好脆好乾身， 啖啖薯泥， 真係 size order都絕不欺場。 配漢堡包當然係飲可口可樂啦， 但我就好耐無飲過[黑牛]喇， 有2個雪糕球 , 加上可樂味道好濃郁。 點擊圖片放大 唔好睇少呢個漢堡包， 份量都唔少野㗎， 我地食得好飽飽喔。 大大滿足呀。 The Butchers Club Burger 地址: 鰂魚涌華蘭路12號惠安苑地下 電話: 23889644 ~~~~~~~~~~~~~ 多謝大家收睇, 如果鍾意我嘅分享就快d follow 我啦, 下次見 歡迎邀約合作試用/試做 ~ 出席活動 ~ 聯絡 ~ msceliabeaute@gmail.com Facebook : 西莉亞•美麗生活部落 MsCelia Life Instagram : MsCeliaBeaute ☆☆☆☆☆☆☆ 是次產品及資料由品牌提供, 文章純粹以個人意見真心分享及用後應, 而效果則因人而異, 只供參考. 如需協助或希望獲得更多有關產品資訊, 請直接聯絡該品牌查詢。 如從而引起任何損失或法律糾紛，本人概不負責。 ☆☆☆☆☆☆☆
