有一段時間無去位於尖沙咀樓上Cafe ~ 樂園 Happyland 喇， 一收到風知道推出最新下午茶 set， 為食嘅我當然即刻約好朋友去啦， 因為呢個下午茶 set要早一日預訂㗎。 一早去到主要係要探探2位店長， 而且樂園換了新凳新壁畫， 好有新鮮感。 點擊圖片放大 下午茶餐包兩杯$48飲品 (選$48以上飲品只需補回差價)， 朋友揀咗佢地嘅皇牌 "我愛金莎" ~ 特濃金莎朱古力雪冰， 我都好想飲呢個， 可惜當日有d 病病地， 所以只有乖乖選擇咗暖粒粒嘅"菊花杞子綠茶。 先嚟個 "蝦蝦笑廚師沙律"， 新鮮沙律菜配大蝦同胡麻醬， 係我至愛。 主角嚟喇， 下午茶以美少女為主題， 10款有鹹有甜，款款都好吸引。 靚到都唔捨得食呀， 影完相就由鹹食到甜啦。 "芝士焗有機鮮菇" 芝士濃郁， 要趁熱食仲可以拉絲。 "蟹子吞拿魚青瓜卷" 食落好清新。 甜品都要一讚，甜度啱啱好， 唔會好甜。 最愛 "蝴蝶結脆皮棉花糖雜莓鬆餅" ~ 脆皮棉花糖好得意, 配雜莓鬆餅一齊食，朋友都大讚好味呀。 唔好睇細細件呀， 一路傾計一路食都幾飽肚㗎。 樂園 Happyland 尖沙咀北京道65-69號環球商業大廈2樓205-06室 開心 • 少女風 • 下午茶 供應時間：星期一至五2-5pm ， 六日或公眾假期12:30-5pm 推行初期，以上下午茶餐只作限量供應，至少一天預訂，以上食品款式或有更改 查詢或訂枱請致電27393039 https://www.facebook.com/yourhappyland/ ~~~~~~~~~~~~~ 多謝大家收睇, 如果鍾意我嘅分享就快d follow 我啦, 下次見 歡迎邀約合作試用/試做 ~ 出席活動 ~ 聯絡 ~ msceliabeaute@gmail.com Facebook : 西莉亞•美麗生活部落 MsCelia Life Instagram : MsCeliaBeaute ☆☆☆☆☆☆☆ 是次產品及資料由品牌提供, 文章純粹以個人意見真心分享及用後應, 而效果則因人而異, 只供參考. 如需協助或希望獲得更多有關產品資訊, 請直接聯絡該品牌查詢。 如從而引起任何損失或法律糾紛，本人概不負責。 ☆☆☆☆☆☆☆
