如果你鐘意浪漫與華麗嘅婚禮 ？ 如果你鐘意陽光與海灘嘅婚禮 ？ 如果你為選擇婚宴場地而煩惱？ 坐落珀麗灣嘅 ClubONE 銀灘面向住青馬大橋 + 海景…...係香港都算係幾罕見嘅戶外婚禮場地。 係馬灣沙灘面對青馬大橋呢個無敵海景嘅婚宴場地， 真係無得輸。 唔好以為珀麗灣交通好唔方便呀， 其實機場， 中環， 青衣， 荃灣，荃灣西同葵芳都有巴士直達。 除咗巴士仲可以選擇係中環2號碼頭坐船去㗎， 10分鐘船程咋， 沿著珀麗灣公園行大約5分鐘就到喇， 幾方便呀。 會所一號~銀灘嘅證婚場地超靚，室外舉行證婚由玻璃天橋步入， 面對青馬大橋， 係呢個環境接受親友們嘅祝福， 多麼浪漫。 除左室外當然仲有室內證婚啦，同樣都係歐陸浪漫裝潢， 萬一唔好彩天氣唔好，都唔洗驚啦… 會所入口以海藍色嘅裝飾同鮮花配合海邊嘅陽光氣息設計， 入到宴會廳嘅海洋為主題， 以鸚鵡螺貝殼紋做設計， 我好鐘意呢個貝殼線條， 配合柔和嘅燈光令浪漫嘅氣氛再提升。 點擊圖片放大 +3 場地仲有戶外影相區同酒會區， 空間寬敞。 舞台邊座落雪白嘅鋼琴， 懂彈琴嘅朋友可以為新人彈奏一曲。 鋼琴旁邊仲有張大大嘅戶外梳化可以影相之用。 ClubONE 知道新娘嘅婚紗晚裝其實係需要有充足嘅空間， 所以化妝間都好夠大， 全身鏡可以令新娘睇到整個造型。 當然唔少得一個大大嘅掛衣架啦。 點擊圖片放大 +2 如果想做午間證婚，通常都會係自助餐形式‥ 用長檯佈置。 點擊圖片放大 晚間証婚會以中式圓枱設計， 可以提供28圍酒席， 每圍可以容納12人㗎。 當然咁靚嘅場地除咗可以舉辦婚宴之外， BB 百日宴， 壽宴或公司包場都可以㗎。 ~~~~~~~~ 多謝大家收睇, 如果鍾意我嘅分享就快d follow 我啦, 下次見歡迎邀約合作試用/試做 ~ 出席活動 ~ 聯絡 ~ msceliabeaute@gmail.com Facebook : 西莉亞•美麗生活部落 MsCelia Life Instagram : MsCeliaBeaute Facebook Fan Page 送禮中, 快 d 去我嘅專頁Like 同 Share 俾朋友知啦! 請多多支持喔! ☆☆☆☆☆☆☆ 是次產品及資料由品牌提供 文章純粹以個人意見真心分享及用後應, 而效果則因人而異, 只供參考. 如需協助或希望獲得更多有關產品資訊, 請直接聯絡該品牌查詢。 如從而引起任何損失或法律糾紛，本人概不負責。 ☆☆☆☆☆☆☆
