Happy Friday 收工同老公行到呢條街就俾呢張枱一張凳同滿滿嘅餐牌吸引住。 以溫暖嘅木為主嘅裝潢， 以船做主題嘅西餐廳。 坐位又闊落， 餐廳 播放住輕輕嘅懷舊音樂， 絕對係同情人 、閨蜜傾計談心嘅好地方。 點擊圖片放大 +2 坐低咗服務員就遞上餐牌同當日嘅廚師推介， 滿滿嘅餐牌真係花多眼亂， 樣樣都好吸引咁。 最後我地決定點二人餐， 唔好以為二人餐唔使諗呀， 都要揀㗎。 先嚟個頭盤， 我都選擇咗"黑椒半燒薄切鮮吞拿柳", 吞拿柳用黑椒包住半燒， 香香嘅黑椒味， 半熟嘅吞拿柳新鮮好腍， 入口融化， 配新鮮嘅沙律菜令胃口大開。 跟住係"扒珍寶鮮帶子佐黑松露菌忌廉汁青露筍", 露筍一睇顏色就知新鮮， 隻帶子真係好大粒又厚， 一試難忘。 點擊圖片放大 餐湯係"意大利牛肝菌泡沫忌廉湯", 忌廉好 creamy, 淡淡嘅牛肝菌香味係我至愛。 配上4款麵包， 除咗牛油外仲有車打芝士醬。 點擊圖片放大 +2 主菜我地要"黑安格斯肉眼扒佐黑松露燒" , 一放低已經聞到好香嘅黑松露香味， 大大塊嘅肉眼扒煎得啱啱好， 切開粉粉的， 但肉質好腍而且牛肉味真係好濃。 另一款主菜係我鐘意食嘅 " 扒珍寶大啡菇配牛肝菌意大利燉飯黑松露汁", 本身大啡茹嘅茹味真係好正， 而且大大隻吸哂 d黑松露汁， 茹味同黑松露味真係好夾， 成個Risotto嘅味道都好濃厚， 層次好多。 二人餐仲有甜品 "cheese cake" 同餐飲，cheese cake食到有少少柚子嘅味道， 唔太甜。 點擊圖片放大 呢個餐嘅份量真係好多， 食完真係好飽。 以環境食物都值得再試呀。 Victoria Restaurant 地址: 太子太子道西150-152號太子商業大廈地下B3號舖 電話 : 2390 2855 ~~~~~~~~ 多謝大家收睇, 如果鍾意我嘅分享就快d follow 我啦, 下次見 歡迎邀約合作試用/試做 ~ 出席活動 ~ 聯絡 ~ msceliabeaute@gmail.com Facebook : 西莉亞•美麗生活部落 MsCelia Life Instagram : MsCeliaBeaute Facebook Fan Page 送禮中, 快 d 去我嘅專頁Like 同 Share 俾朋友知啦! 請多多支持喔! ☆☆☆☆☆☆☆ 以上純粹個人感受及分享 如需協助或希望獲得更多有關產品資訊, 請直接聯絡該品牌查詢。 如從而引起任何損失或法律糾紛，本人概不負責。 ☆☆☆☆☆☆☆
