行到邊食到邊， 去旺角花園街睇完買完， 同老公2條友行到6點鐘就開始有d肚餓， 就係附近搵野食， 其實花墟隔離嘅花園街有好多食肆㗎， 日本， 中菜， 越南，泰國， 各式各樣都有。 今次選擇嘅呢間試試 因為剛剛下午茶完畢， 餐廳裡面都幾多人 餐牌 show 出嘅款式都幾多 點擊圖片放大 坐低一陣就出 Dinner Set 價錢都幾合理㗎， 仲有湯同前菜 今次我選擇咗個 B 餐 - 黑松露忌廉汁蟹肉海蝦燴意大利飯， 老公就要 D 餐 - 香檳芥末籽雞扒焗飯 餐湯有中湯同西湯， 我地選擇咗西湯 - 南瓜忌廉蘑菇湯， 有粟米，蘑菇同火腿， 唔係好飲到有南瓜味， 但都幾滑 前菜已經寫咗係芒果沙沙雜菜沙律 沙律菜幾新鮮， 芒果都好甜， 但太多水係菜到令到個沙律汁得頭 2 啖食到， 之後就只係菜嘅味道， 而且仲有好多水係隻碗到 (係水呀， 唔係汁) 我嘅主菜嚟啦 - 黑松露忌廉汁蟹肉海蝦燴意大利飯 ($88) 其實我有 d 怕黑松露嗰陣味， 而且有 d 餐廳整到 d Risotto (雖然 Risotto 應該係硬嘅), 佢2樣都煮到啱啱好， 忌廉汁唔太膩， 份量都唔少， 海蝦大隻爽口蟹肉都好味 老公嘅香檳芥末籽雞扒焗飯 ($68) 芝士好濃， 我坐對面都聞到幾香， 我食咗一啖原來係抄飯底嚟, 老公都話好好食 連埋凍飲都係$162. 仲要無加一喎， 有 d 驚喜 整體都係好食嘅！ 都值得再試！ 紅橋 Rosa Bridge Restaurant 地址 : 太子花園街230號地舖 ☆☆☆☆☆☆☆ 以上純粹個人感受及分享 Facebook : 西莉亞•美麗生活部落 MsCelia LifeInstagram : MsCeliaBeaute UBlog BlogSpot BeautylifeBeauty Exchange TheZtyle WeShareSina HK 歡迎不同合作試用或出席活動 msceliabeaute@gmail.com
