短短一個LUNCH TIME除左食飯仲可以做D咩?! 就係去吸收新的美容資訊喇~ 上星期有幸出席位於禮頓中心的SASA Supreme <<SASA X BRTC>> 的blogger event，估唔到SaSa Supreme真係好大，仲要貨品齊全，地方寬敞，好在我唔係在附近返工，如果唔係肯定將成間SaSa搬返屋企都有之啊!!不過話時話，就算唔買野，入去行一行都起碼要兩個鐘先睇得晒所有貨品，真係不失為一個消閒熱點，當日Lunch Time去就唔算好多人，亦唔多覺有好多自由行，臨近聖誕，大家如果傷腦筋選購聖誕禮物，我相信黎SaSa Supreme行一轉，一定幫到大家慳不少時間及金錢。 言歸正傳，今次BRTC介紹左佢地既眼霜及新的家用美容儀--離子+LED光導入儀 平常搽眼霜其實只能停留在眼部肌膚表面，所以發揮不到眼霜的最大功效，但透過導入儀的每分鐘12000次震動及離子加LED光的轉輔助下，讓眼霜成分滲透至底層，同時亦可為眼部肌膚進行按摩，促進血液循環，其機身亦細小輕巧，方便攜帶及易於使用。 試用完真係發覺皮膚是完完全全吸收晒眼霜，同平時就咁搽是有很大分別，而且其眼霜亦有效減淡細紋。 同場亦介紹了4款的BB Cushion，分別有茉莉保濕．黃金魚子．美白修復．源源保濕，4款都有SPF50+/PA++，4款各有功效，適合不同膚色及肌膚素質 試用過真係貼面及透薄，而且不乾不油，清爽水潤，再配合其粉餅或碎粉使用，真係好輕易就可以打造出迷人水潤韓妝。 最後當然唔少得卸化品呢一環啦，普遍BB Cream都比較難卸除，或要用油份卸妝油，BRTC呢支卸妝真係好方便，幾泵份量輕輕按摩，就輕易將BB Cream溶化，而且其質地好似水劑，唔會好油膩，就咁用卸妝棉除丟BB Cream之後都好清爽，真係非常快捷方便。 好多謝SaSa 及 BRTC送出的禮物及帶給我一個愉快的Lunch Time。
