Mask House是韓國人氣牌子，所以好有信心選用，而且佢既產品亦好全面，最具人氣既蝸牛、蜂毒佢都有，當然亦有草本系列可供選用。 今次試既係1滴速效抗皺蜂毒全效眼部修護精華 包裝外型好特別，鐵盒夠硬淨，用完仲可以留返黎放零星野，而針筒型真空導入器設計亦好有心思，因為刻有份量標籤Day1-Day4，其實係夠5日用既，早晚半格，咁就唔怕用多左喇，針筒頭有個蓋仔可以封返個出口，避免精華氧化流失，不過因為細細粒，要小心放好，如果唔係好易唔知碌左去邊。 成份方面，含多種蛋白質酶類元素、天然抗氧葡萄籽油中的亞麻油酸和原花色素，以上成份再配合按摩動作，即可解決三大眼部肌膚問題，眼紋!!鬆弛!!眼圈!! 用後感 : 質地好特別，都唔識形容，搽左上眼部四周之後，好似有層保護膜咁，15日後覺得眼紋好似少左d，鬆弛方面就冇特別比較到，眼圈就淡左少少，總括而言成效都滿意，而且佢既包裝設計非常好，用完一支先再開新一支，咁就怕氧化，或者出門時只需帶一支或二支已足夠，唔洗成樽眼霜帶出門或另外限要搵樽仔帶少少出門咁煩。 其實Mask House有款蜂毒亮目膠原再生眼膜我都好喜歡用，一來個眼膜係全方位覆蓋眼部設計，二來係生物纖維物料，所以好貼眼部及有效令精華滲透入細胞。 兩者配合一齊用就非常完美喇
