除左護膚品之外，止汗劑就是我每日都會用到的另一產品，家中長期有不同品牌的止汗劑存貨，Rexona係其中之一，選購佢既原因係價錢合理，容易買到，而且仲有好多香味選擇。 今次呢款係日本別注版，所以名稱有少少分別，係Rexena，但都係同屬同一品牌，日本別注版分別有5種氣味，我手上既係冰氛活氧(淡淡香氛)同埋冰爽淡翠(冰爽花香)。 別注版比較特別係有開關，咁就唔怕小朋友多手拎黎噴，或帶出街放在袋中時比物件壓到而噴出來。 用法都唔需要多講啦，只要距離腋下約10公分，噴於腋下2秒就ok，非常方便，唔洗等好耐先可以出街，趕時間返工噴一噴攪掂，呢兩款氣味都好清新，唔會過於濃烈，而且亦可維持24小時之久，雖然現在係冬天，但身體一樣會出汗，所以一年四季都適合使用，大家有興趣試下呢款日本別注版啦。
