早排睇IG被燒到，明明一心諗住去買魔糍蛋糕，點知買咗勁多嘢走😂～ [士多啤梨魔糍蛋糕] (HK$48)蛋糕賣相可愛，仲可以捏得到！因為佢嘅外皮係手工製作嘅mochi，～內裡蛋糕同忌廉相間，仲夾雜士多啤梨粒同白玉麻糬，啱晒煙韌控😙！ 切餅類都好吸引～ [士多啤梨切餅] (HK$17)呈粉紅色嘅蛋糕同忌廉相間，面頭除咗士多啤梨，亦有放其他莓類同朱古力裝飾，再撒上糖霜，充滿冬日氣氛☃️。 [脆皮金莎朱古力卷] (HK$17)都幾大件嘅朱古力味卷蛋🍫，用上濃厚朱古力忌廉，中間夾雜啫喱，面頭有金莎朱古力脆皮，食落口感層次豐富。 因食慣黑朱古力，所以味道感覺偏甜。 [芒果卷] (HK$17)同樣好大件，所使用嘅忌廉冇上一款咁厚重，面頭同內裡都有新鮮芒果🥭，十分清甜。 [千層撻] (HK$10) 星型嘅千層葡撻。突登揀咗兩個燶面啲嘅，食落蛋味突出，仲多一份焦香味，而且撻皮好酥脆😍！ [開心果千層撻] (HK$16/件；HK$30/2件)昇華版嘅千層撻，用上加入開心果醬嘅蛋漿，面頭再有開心果醬、滿滿嘅開心果醬碎，開心果控可以試試🙌🏻～ [朱古力脆包] (HK$12)麵包外層香脆，入面有朱古力內餡，每食一啖都係濃濃朱古力味，作為朱古力控表示好滿足！ [芝士吐司] (HK$22)吐司面頭撒上芝士碎去焗，睇落好似冇咩特別，但原來內藏驚喜！一切開係毫不吝嗇嘅芝士粒 ， 食落啖啖芝味！ 妹豬仔話你知～今次主要買咗新穎款式嘅甜點同麵包，其實店舖都其他傳統款式，當日仲撞正菠蘿包出爐，每個都好大個又熱辣辣， 見唔少街坊即刻買～ 點擊圖片放大 +3 (以上價錢僅供參考，一切以店舖為準) ➖➖➖➖➖➖➖➖➖➖紅心麵包西餅 ( IG: @redheartbakery )佐敦白加士街98號金威廣場地下2及3號舖➖➖➖➖➖➖➖➖➖➖.*本網誌文章純屬個人意見或經驗分享，僅供參考～♥.歡迎試食/產品推薦/合作機會，請聯絡：Email: muichujaifoodie523@gmail.com.↓↓即刻 Like + Follow 埋「妹豬仔」其他channel↓↓ 👉🏻𝙁𝙖𝙘𝙚𝙗𝙤𝙤𝙠：muichu.jai👉🏻𝙄𝙣𝙨𝙩𝙖𝙜𝙧𝙖𝙢：muichu.jai👉🏻𝙊𝙥𝙚𝙣𝙍𝙞𝙘𝙚：muichu.jai👉🏻𝘿𝙞𝙖𝙣𝙥𝙞𝙣𝙜：muichu.jai👉🏻𝙏𝙧𝙞𝙥𝙖𝙙𝙫𝙞𝙨𝙤𝙧：muichu.jai👉🏻𝙂𝙤𝙤𝙜𝙡𝙚 𝙈𝙖𝙥：mui chu jai👉🏻𝘿𝙞𝙖𝙣𝙥𝙞𝙣𝙜大眾點評：muichu.jai👉🏻𝙓𝙞𝙖𝙤𝙃𝙤𝙣𝙜𝙎𝙝𝙪小紅書：muichu.jai👉🏻𝙐 𝘾𝙤𝙢𝙢𝙪𝙣𝙞𝙩𝙮：muichu.jai.↓↓「妹豬仔」專屬優惠連結↓↓🔗https://linktr.ee/muichu.jai.
