太耐冇返鄉下喇～於是去咗呢間日本過江龍——日本關西第一炸牛排專門店，食下吉列牛排去思思鄉😆！餐廳嘅門面以至內部都裝潢得非常和式，感覺就好似去咗日本咁😚～ .🔸[京都勝牛雙味套餐🐮] (HK$198) 呢個套餐嘅雙味就係翼板牛排、菲力牛排，仲有可以無限添加嘅麥飯、椰菜沙律、味噌湯。 而餐廳採用日本正宗技術，用一分鐘炸出三成熟嘅牛排，表面香脆，內裡粉嫩😋。翼板牛排油花均勻，食落肉質較彈，而菲力牛排油花較少，食落肉質較腍滑👍🏻。 值得一提～套餐附上多達9種嘅醬料😍，例如：七味唐辛子、山椒鹽、玫瑰鹽、黑松露鹽、牛排醬、綠芥末、咖喱醬等，可因應自己口味，沾點唔同嘅醬料，配搭出不一樣嘅吉列牛排風味🤤。 如果覺得三成熟會太生嘅話，亦唔使擔心！店內備有燒爐、鐵板，只要店員講聲就會端上，咁就可以自己控制牛排嘅熟成程度🤗。.🔸[香脆炸里脊豬排套餐🐷] (HK$148) 呢一個套餐就揀咗炸里脊豬排，同樣有可以無限添加嘅麥飯、椰菜沙律、味噌湯。 炸里脊豬排炸得香脆，肉質保持粉嫩，食落一啲都唔柴😉。隨餐附上一碗芝麻，俾客人自己即席磨碎，然後可加入特製醬汁，炸豬排沾點埋呢個醬汁，格外滋味😋！ .🔸[炸廣島生蠔 (2隻)] (HK$52) 小食之一。炸廣島生蠔共有2隻，每隻都好大隻。炸衣並唔厚，入面嘅生蠔依然保持鮮甜🙌🏻。 .🔸[炸特選大海老 (1隻)] (HK$52) 小食之一。隻蝦超大隻，炸衣並唔厚，蝦肉爽彈😚。 .🔸[棉花糖雪糕] (HK$58) 一大粒棉花糖放喺中央，外邊微微燒過有少少焦，入面包住咗一球雲呢拿雪糕，面頭有抹茶粉、黃豆粉。旁邊再有士多啤梨、乾果碎、碎士多啤梨乾等。係擺盤好靚嘅甜品❤️！ .🔸[士多啤梨沖繩黑糖雲呢拿雪糕] (HK$58) 呢個甜品有兩球雲呢拿雪糕，再淋上沖繩黑糖漿，面頭有醃製過嘅橙皮絲、碎士多啤梨乾，旁邊再放咗幾粒已切開嘅新鮮士多啤梨。食落感覺清新，賣相亦唔差😍！ .🔸[藍柑荔枝味有汽特飲] (HK$36) 有汽特飲飲料之一。呈海藍色嘅賣相好特別，當中亦加入咗荔枝肉，飲落荔枝味幾濃🤗。 .🔸[芒果奇異果味有汽特飲] (HK$36) 有汽特飲飲料之一。呢一杯就呈黃色，最底有芒果蓉，整體飲落酸酸甜甜，十分清新🌿！ .✨妹豬仔👧🏻💬: 整體來講，喺冇嘅情況下，呢個兩個套餐好味之外，個份量好足夠，食完十分滿足！兩款炸物小食味道唔錯，加上兩款甜品同飲料嘅賣相都好好！ .💡妹豬仔話你知💁🏻♀️～U Lifestyle App 推出全新美食關注專區《社群》，以人氣飲食主題內容打響頭炮🔊，由民間食神/KOL 分享每日美食提案，為各位提供深度交流及搵食平台😍！仲有每月放送獨家試食活動！👉🏻傳送門：https://bit.ly/3sXJLrz.(以上價錢僅供參考，一切以餐廳為準).➖➖➖➖➖➖➖➖➖➖📍牛カツ京都勝牛銅鑼灣謝斐道535號Tower 535地庫B01號舖➖➖➖➖➖➖➖➖➖➖.鳴謝：UBlog ( FB / IG )牛カツ京都勝牛 ( FB / IG ).*本網誌文章純屬個人意見或經驗分享，僅供參考～♥.歡迎試食/產品推薦/合作機會，請聯絡：Email: muichujaifoodie523@gmail.com.↓↓即刻 Like + Follow 埋「妹豬仔」其他channel↓↓ 👉🏻𝙁𝙖𝙘𝙚𝙗𝙤𝙤𝙠 : muichu.jai👉🏻𝙄𝙣𝙨𝙩𝙖𝙜𝙧𝙖𝙢 : muichu.jai👉🏻𝙊𝙥𝙚𝙣𝙍𝙞𝙘𝙚 : muichu.jai👉🏻𝘿𝙞𝙖𝙣𝙥𝙞𝙣𝙜 : muichu.jai👉🏻𝙏𝙧𝙞𝙥𝙖𝙙𝙫𝙞𝙨𝙤𝙧：muichu.jai👉🏻𝙂𝙤𝙤𝙜𝙡𝙚 𝙈𝙖𝙥 : mui chu jai.↓↓「妹豬仔」專屬優惠連結↓↓🔗https://linktr.ee/muichu.jai.
