呢度裝潢就似一間快餐店咁，一入去就見到藍色階磚上面有大大個吉祥物Bobby，十分可愛，適合打打卡😉！ 食物係即叫即整，而開放式廚房冇遮冇擋，可以睇晒食物嘅製作過程👍🏻。 .🔸[Big Bobby🍔] (HK$78)超級波比，係呢度新出嘅漢堡之一。芝麻漢堡包配雙層牛肉漢堡扒、芝士、本地新鮮生菜、蕃茄、洋蔥、自家醃製青瓜、自家秘製醬汁。 漢堡扒十分有驚喜，非常肉嫩多汁、充滿濃厚牛肉味😍！ .🔸[The Maxica🌶] (HK$38)墨西哥辣椒漢堡，係呢度新出嘅漢堡之一。漢堡包配牛肉漢堡扒、芝士、洋蔥、香濃醃製辣椒、墨西哥辣椒蛋黃醬。牛肉味香濃嘅漢堡扒，配上墨西哥辣椒，愈食愈辣、愈惹味😋！ .🔸[Seasoned Crispy Fries🍟] (HK$25)新鮮炸起嘅香脆厚切薯條，夠晒熱辣辣！食落脆卜卜、好香薯仔味！ .🔸[Chicken Thigh🐥] (HK$28)酥炸雞腿大件又香脆，外脆內嫩，調味適中。 .🔸[Soft Drinks🥤] 如揀汽水嘅話，可以自行到汽水機前斟，而且係可以無限refill。.✨妹豬仔👧🏻💬: 整體來講，呢度嘅嘢食真係平靚正、好抵食！仲有～呢度食物都經過嚴格管制，十分健康，食得安心又放心！ .💡妹豬仔話你知💁🏻♀️～點漢堡可以加HK$25成為套餐，包一款飲品同指定小食，亦可額外再加HK$5-$13不等，揀選升級小食。.💡妹豬仔再話你知💁🏻♀️～漢堡店嘅營業時間由上午8點到夜晚10點，所以朝早都可以嚟買早餐，可以食到通粉同薯餅。 .💡妹豬仔再三話你知💁🏻♀️～呢度除咗漢堡之外，仲有好多食物選擇，例如：迷你漢堡、熱狗、炸雞、炸薯條。 .(以上價錢僅供參考，一切以漢堡店為準).➖➖➖➖➖➖➖➖➖➖📍Boy n Burger ( IG: boynburger )灣仔莊士敦道206-212號208 Johnston地下3號舖➖➖➖➖➖➖➖➖➖➖.*本網誌文章純屬個人意見或經驗分享，僅供參考～♥.歡迎試食/產品推薦/合作機會，請聯絡：Email: muichujaifoodie523@gmail.com.「妹豬仔」其他channel ↓↓ 即刻Like & Follow ↓↓👉🏻𝙁𝙖𝙘𝙚𝙗𝙤𝙤𝙠 : muichu.jai❤️|👉🏻𝙄𝙣𝙨𝙩𝙖𝙜𝙧𝙖𝙢 : muichu.jai❤️|👉🏻𝙊𝙥𝙚𝙣𝙍𝙞𝙘𝙚 : muichu.jai ❤️|👉🏻𝘿𝙞𝙖𝙣𝙥𝙞𝙣𝙜 : muichu.jai❤️|.
