呢度裝潢以粉紅色為主調,無論天花、牆身、地下,定係座位、餐牌,全部都係粉紅色,絕對啱晒一眾粉紅控~齊齊少女心爆發💗!點擊圖片放大 .🔸[招牌鮮雜果麻糬窩夫配雪糕及棉花糖☁️] (半份,HK$88)呢個甜品勁IGable❤️,係呢度嘅打卡甜品之一,幾乎每枱都有點。 鮮雜果、窩夫、雪糕以一個大透明盤盛載,面頭再放上一團好大嘅淺藍色棉花糖☁️,十分夢幻,令人心心眼😍!雖然只係半份,但都已經超巨型! .鮮雜果以酸味生果為多,減低咗整個甜品嘅甜膩感👍🏻。窩夫入面有麻糬,食落外邊香脆、內裡少少煙韌,增加咗口感層次,配埋雪糕或附上嘅焦糖醬一齊食就更好味😋! 雪糕口味可四選一,包括:雲呢拿/瑞士朱古力/士多啤梨/法式焦糖燉蛋。而窩夫底下仲有海棉蛋糕,食完超飽肚😆! 提提大家~呢個打卡真係要快手,唔係啲棉花糖就會溶晒㗎喇😝! .🔸[青花瓷奶蓋] (HK$45)呢度嘅打卡飲料之一。其實係杯菠蘿奶蓋沙冰🍍,用上藍花做成藍色嘅雲石紋理,驟眼睇真係好似青花瓷器咁。甜度選擇咗少甜,所以唔會覺得死甜,味道幾清新🌿,好飲得嚟又啱打卡📸! .🔸[草莓茉莉奶蓋茶] (HK$45)同樣係呢度嘅打卡飲料之一。奶蓋係厚厚嘅一層,同草莓茉莉茶比例各佔一半,賣相幾吸引,同樣啱晒打卡💞!飲落奶蓋順滑,帶少少鹹香,配埋已選少甜嘅草莓茉莉茶,味道唔錯🙌🏻~ .✨妹豬仔👧🏻💬: 整體來講,呢個粉紅環境好夢幻、好舒服🥰,甜品同飲料都唔錯,賣相仲好靚,好啱打卡😉!有機會下次嚟食呢度嘅正餐先~ .💡妹豬仔話你知💁🏻♀️~Cafe一入門口位置已經個靚靚打卡位,可以坐喺粉紅色座位上面,同幾朵白雲合照。 .💡妹豬仔話再你知💁🏻♀️~Cafe嘅牆上都掛咗大大小小嘅畫作,原來係法籍藝術家Eugénie Palaric SmBl嘅作品,充滿巴黎藝術氣息! .(以上價錢僅供參考,一切以cafe為準).➖➖➖➖➖➖➖➖➖➖📍Café Library by Espuma ( IG: @cafelibrary_hk )灣仔三角街2-3號華欣閣地下3號舖➖➖➖➖➖➖➖➖➖➖.*本網誌文章純屬個人意見或經驗分享,僅供參考~♥.歡迎試食/產品推薦/合作機會,請聯絡:Email: muichujaifoodie523@gmail.com.「妹豬仔」其他channel ↓↓ 即刻Like & Follow ↓↓👉🏻𝙁𝙖𝙘𝙚𝙗𝙤𝙤𝙠 : muichu.jai❤️|👉🏻𝙄𝙣𝙨𝙩𝙖𝙜𝙧𝙖𝙢 : muichu.jai❤️|👉🏻𝙊𝙥𝙚𝙣𝙍𝙞𝙘𝙚 : muichu.jai ❤️|👉🏻𝘿𝙞𝙖𝙣𝙥𝙞𝙣𝙜 : muichu.jai❤️|.