Cafe 環境舒適，一入門口位置有幅仿植物牆，周圍亦擺放咗乾花🌾，可以俾客人打卡，而近窗位置更可以飽覽海景😉！ .🔸[忌廉汁海鮮焗飯] (HK$78)呢個飯係即點即焗，熱辣辣得嚟亦算足料👍🏻，有：魚肉、蝦、魷魚、蜆肉等等。飯粒喺焗之前有炒香過，加上香濃忌廉汁，再撒上芝士去焗，十分滋味😋！ .🔸[Angus Cheese Burger 🍔] (HK$85)安格斯牛肉芝士漢堡。麵包有輕輕烘過至燶邊，令漢堡更香口。安格斯牛肉好厚身，而且肉嫩又多汁😍，熱力令芝士呈半融狀態，食落更惹味、更邪惡😈！而薯條炸得十分香脆，份量亦算多。 .🔸[蕃茄濃湯🍅] (HK$12)湯嘅質感稠身，聞落同飲落都有好濃蕃茄味，飲得出係真材實料用蕃茄煲🙌🏻，而唔係用咗茄膏。 .🔸[Ice Cuppcinno] (跟餐+HK$20)呢度採用哥倫比亞咖啡豆，風味獨特～ .✨妹豬仔👧🏻💬: 整體來講，呢度無論環境、食物質素定服務都唔錯，可以望住海景嘆美食，簡直一流🥰！ .💡妹豬仔話你知💁🏻♀️～cafe亦好貼心，提供咗自家沖製菊花水，供客人免費飲用。.(以上價錢僅供參考，一切以cafe為準).➖➖➖➖➖➖➖➖➖➖📍雛菊 (Bellis Cafe)( IG: wellcome.to.bellis )柴灣永泰道60號柴灣工業城1期13樓1307號舖➖➖➖➖➖➖➖➖➖➖.*本網誌文章純屬個人意見或經驗分享，僅供參考～♥.歡迎試食/產品推薦/合作機會，請聯絡：Email: muichujaifoodie523@gmail.com.「妹豬仔」其他channel ↓↓ 即刻Like & Follow ↓↓👉🏻𝙁𝙖𝙘𝙚𝙗𝙤𝙤𝙠 : muichu.jai❤️|👉🏻𝙄𝙣𝙨𝙩𝙖𝙜𝙧𝙖𝙢 : muichu.jai❤️|👉🏻𝙊𝙥𝙚𝙣𝙍𝙞𝙘𝙚 : muichu.jai ❤️|👉🏻𝘿𝙞𝙖𝙣𝙥𝙞𝙣𝙜 : muichu.jai❤️|.
