今年聖誕冇得同一大班親友歡聚，一於送禮分享節日喜悅啦❤️！呢個話唔定會係你嘅送禮選擇之一，同親友甜蜜過聖誕🥰～🔸[樂家杏仁糖 340g] 經典口味嘅樂家杏仁糖，用咗特製可可豆朱古力包住經典雲呢拿牛油味香脆糖心，面層再沾上加州杏仁脆粒😋，再用金色包裝紙包住，然後以粉紅色鋁罐盛載，外邊包裝上面就有聖誕老人、雪人圖案，既充滿聖誕節日氣氛，又夠晒體面，最啱喺聖誕節送俾親友👍🏻！ 🔸[樂家迷你脆杏仁糖聖誕袋裝 56g] 另一充滿聖誕節日氣氛嘅包裝，印有聖誕鹿圖案，十分可愛，相信大人定小朋友都會咁鍾意😆～迷你脆杏仁糖同經典樂家杏仁糖所用嘅材料比例相同，但體積就細咗三分之二，厚度亦減半。一開包裝就係一粒粒的骰嘅杏仁糖，並無包裝紙，可以輕易一啖放入口品嚐，食落口感薄脆🤤。不過，妹豬仔認為包裝可加入拉鏈封口，等人可以zip起，就會更加便攜。 🔸[樂家迷你脆牛奶朱古力杏仁糖聖誕袋裝 56g ] 同樣係充滿聖誕節日氣氛嘅包裝，呢個就印有聖誕老人圖案，同樣趣怪😁！呢款迷你脆杏仁糖同樣十分迷你，就係以濃滑嘅牛奶朱古力包住香脆糖心，體積都係細小，厚度亦減少咗。一開包裝都係一粒粒的骰嘅杏仁糖，並無包裝紙，妹豬仔同樣認為包裝可加入拉鏈封口。 💡妹豬仔話你知💁🏻♀️～樂家杏仁糖仲有 200g禮盒裝，共有3款口味款式，分別係：🔸[原味禮盒裝(200g)] 睇落大大盒咁，送俾親友(尤其長輩)就更加得體🙌🏻～原味亦即係頭先提及過嘅經典樂家杏仁糖，用咗特製可可豆朱古力包住經典雲呢拿牛油味香脆糖心，面層再沾上加州杏仁脆粒😙。 🔸[特濃黑朱古力禮盒裝(200g)] 用上精心挑選嘅可可豆、經典樂家杏仁糖香脆糖心，特濃黑朱古力味樂家杏仁糖嘅可可含量高達至 73%，面層除咗加州杏仁脆粒之外，仲混入咗特濃黑朱古力粉🍫，令黑朱古力味更香濃，再用黑色包裝紙包住。雖然妹豬仔平時鍾意食85%可可含量嘅黑朱古力，但係呢個有 73%其實亦唔差。 🔸[混合裝(200g)] 一盒入面混合咗兩種口味，包括：原味、45%可可黑朱古力味嘅經典樂家杏仁糖，啱晒心大心細唔知要咩口味嘅人🤣。 ✨妹豬仔👧🏻💬: 整體嚟講，無論口味定係包裝上，樂家都不斷創新，推出唔同口味嘅樂家杏仁糖，照顧唔同口味人士，同時亦會因應節慶而推出唔同節日氣氛嘅包裝。大家快啲趁聖誕節買嚟試下啦～一齊甜蜜過聖誕💖！ 💡妹豬仔話你知💁🏻♀️～樂家杏仁糖係享譽國際嘅百年經典品牌，堅持選用最優質新鮮、純天然嘅食材，杏仁糖不含麩質、調味劑及防腐劑，而且採用 Cocoa Horizons (可可地平綫)提供嘅 100%可持續發展嘅可可豆製成👍🏻。➖➖➖➖➖➖➖➖➖➖📍樂家杏仁糖產品於各大銷售點單獨發售➖➖➖➖➖➖➖➖➖➖鳴謝：U Blog (Facebook、Instagram)樂家杏仁糖 (Facebook、Instagram) *本網誌文章純屬個人意見或經驗分享，僅供參考～♥ 歡迎試食/產品推薦/合作機會，請聯絡：Email: muichujaifoodie523@gmail.com「妹豬仔」其他channel ↓↓ 即刻Like & Follow ↓↓👉🏻𝙁𝙖𝙘𝙚𝙗𝙤𝙤𝙠 : muichu.jai❤️|👉🏻𝙄𝙣𝙨𝙩𝙖𝙜𝙧𝙖𝙢 : muichu.jai❤️|👉🏻𝙊𝙥𝙚𝙣𝙍𝙞𝙘𝙚 : muichu.jai ❤️|👉🏻𝘿𝙞𝙖𝙣𝙥𝙞𝙣𝙜 : muichu.jai❤️|
