食完沾麵之後，妹豬仔👧🏻同男朋友👦🏻繼續喺東京晴空街道行街，行行下想食甜品，於是嚟到呢間牛奶軟雪糕專門店買雪糕食😆！ .🔸[朱古力x牧場牛奶軟雪糕🍦] (¥420)呢度嘅雪糕口味有好多選擇，我哋揀選咗係期間限定嘅[朱古力x牧場牛奶軟雪糕] ，然後就係選擇用杯定cone嚟盛雪糕，而我哋揀選嘅係竹炭cone。雪糕嘅朱古力味🍫同牛奶味🥛都好濃，而且好滑，個竹炭cone嘅芝麻味都好香，整體味道唔錯😋！ .✨妹豬仔👧🏻💬: 呢度嘅雪糕口味選擇真係好多㗎～除咗[朱古力x牧場牛奶]之外，仲有：[牧場牛奶🥛]、[咖啡牛奶☕️]、[牧場牛奶x咖啡牛奶🥛☕️]、[草莓牛奶🍓]、[抹茶牛奶🍵]、[抹茶牛奶x草莓牛奶🍵🍓]，呢啲口味都係¥400。至於cone方面，除咗竹炭cone之外，仲有海鹽cone同窩夫cone。 .💡 記得唔好邊行邊食呀～同埋雪糕都比較易溶，所以買完雪糕之後，可以到附近嘅座位區，坐低慢慢食😁。.💡妹豬仔話你知～店名有「63℃」係咪覺得好特別呢？其實係因為店舖使用大量牛奶，都係喺63℃進行巴氏殺菌30分鐘，確保牛奶無菌同保持新鮮。.➖➖➖➖➖➖➖➖➖➖📍東毛酪農63℃ (曳舟・向島・押上周邊)東京都墨田区押上1-1-2 東京ソラマチ 4F (東京晴空街道4樓)➖➖➖➖➖➖➖➖➖➖*本網誌文章純屬個人意見或經驗分享，僅供參考～♥ 歡迎試食/產品推薦/合作機會，請聯絡：Email: muichujaifoodie523@gmail.com「妹豬仔」其他channel ↓↓ 即刻Like & Follow ↓↓👉🏻𝙁𝙖𝙘𝙚𝙗𝙤𝙤𝙠 : muichu.jai❤️|👉🏻𝙄𝙣𝙨𝙩𝙖𝙜𝙧𝙖𝙢 : muichu.jai❤️|👉🏻𝙊𝙥𝙚𝙣𝙍𝙞𝙘𝙚 : muichu.jai ❤️|👉🏻𝘿𝙞𝙖𝙣𝙥𝙞𝙣𝙜 : Muichu.jai❤️|
