暫時冇得去日本旅行，咁就唯有食住日本嘢頂住檔先！ 妹豬仔同男朋友去銅鑼灣行街，見到開咗間壽司店，於是決定夜晚嚟呢度食！ 店內座位唔多，只有一張吧枱 (大概16個座位)，可以近距離睇住師傅整壽司。 餐具、杯子都好靚！ . ◆ [特上壽司拼盤] (HK$250) 呢個壽司盛合有10款壽司，包括：吞拿魚腩、深海池魚、牡丹蝦、赤貝、海膽、三文魚籽、火炙左口魚邊、鯖魚、魴鮄、辣味帶子。 . ◆ [自選壽司12件] (HK$188) 除咗固定嘅壽司盛合之外，呢度仲有自選壽司組合，客人可以喺一系列壽司入面自選10件/12件壽司。 妹豬仔同男朋友就揀咗[自選壽司12件] ，哈哈～其實揀咗6款壽司，每款點咗兩件，包括：三文魚、油甘魚、真鯛、深海池魚、火炙左口魚邊、蔥吞拿魚腩。食材同樣好新鮮，好好食！ 點擊圖片放大 +3 . ◤妹豬仔◢：每件壽司算大件，而每款食材都好新鮮，妹豬仔好鍾意食嘅火炙左口魚邊超肥美，而海膽好鮮甜、三文魚籽好大粒！另外，壽司飯都握得好好，黏度好夠，突顯師傅功架！ . ◤妹豬仔話你知◢～原來呢間壽司店係米芝蓮推介嘅黃埔翔太壽司嘅分店！呢度除咗盛合之外，亦可以散叫壽司、刺身、海鮮丼、小食等，更有廚師發辦 (omakase)添呀～如果諗唔到食咩好，可以睇睇掛喺牆上嘅「是日推介」板，就知道當日有啲咩特別嘅食材，然後再作決定。 另外，宜家新張期間，只要Like FB/ Follow IG 就可享全單8折優惠。 ○○○○○ 雲壽司 (Sushi Kumo) 地址：銅鑼灣謝斐道506-508號聯成商業中心地下B號舖 ○○○○○ *本網誌文章純屬個人意見或經驗分享，僅供參考～♥ 歡迎試食/產品推薦/合作機會，請聯絡： Email: muichujaifoodie523@gmail.com ↓↓↓ 即刻Like & Follow「妹豬仔」其他channel ↓↓↓ Muichu.jai： Instagram | Facebook | OpenRice | 大眾點評
