終於有機會同朋友試下呢間過江龍台式茶飲店喇，主打嘅波波茶係咩呢？我話你知啦～咪就係黑糖珍珠鮮奶。妹豬仔向來唔太鍾意奶味重嘅嘢，所以一於同朋友開心share！ 嚟到呢度當然要叫佢嘅招牌飲品——烤布蕾波波茶(含奶蓋)，因為係地方限定咖，只得香港有，當然要試試啦！而且仲可以隨個人口味選擇甜度添～ ◤妹豬仔◢：正如預計一樣，呢杯波波茶好重奶味。甜度選擇咗微糖，但味道好似都依然偏甜 (可能係因為我本身唔太嗜甜，再加上有黑糖珍珠嘅緣故啩)，不過正因為咁，黑糖味道出啲、好飲啲！至於啲黑糖珍珠就好煙韌彈牙，口感唔錯！ 順帶一提～妹豬仔知道美好年代喺澳門都插咗旗喇~ 如果去澳門 就可以去試下佢嘅珍珠奶茶梳乎厘班戟 。 ○○○○○ 美好年代 地址：銅鑼灣邊寧頓街5號地下 ○○○○○ *本網誌文章純屬個人意見或經驗分享，僅供參考～♥ 歡迎試食/產品推薦/合作機會，請聯絡： Email: muichujaifoodie523@gmail.com ↓↓↓ 即刻Like & Follow「妹豬仔」其他channel ↓↓↓ Muichu.jai： Instagram | Facebook | OpenRice | 大眾點評
