[#元朗海南雞] || 平民價高質嫩滑海南雞 - 凱悅海南雞專門店 // 講女搵食團 = = = = = = = = = = = = = = =總括💬：平民價錢，CP值高有驚喜海南雞。環境：★★★★☆ | 味道：★★★★★服務：★★★★★ | 抵食：★★★★☆————————————————開番晚市堂食，晚飯又可以偷下懶XD 今次同親愛的去了教育路中後段搵野食，入咗間其貌不揚小店，但估唔到餐廳有驚喜。 ————————————————睇睇餐牌一碟飯跟湯都係$50另蚊起，價錢平民化。餐廳名叫得凱悅無骨海南雞，海南雞當然係招牌，同親愛的一人叫咗一碟飯，叫咗無骨海南雞飯 & 無骨鹽水加積鴨飯，配薑黃飯跟紫菜湯。 先黎一碗足料紫菜湯，店員姐姐介紹個湯，唔同一般餐廳送既例湯，佢地既湯每日用雞殼加上紫菜熬，無加味精，所以就算只有紫菜+雞肉碎，充滿雞湯鮮甜味。 無骨海南雞飯：海南雞份量多，冇將貨就價。肉質唔嚡口，啖啖雞味濃嫩滑雞肉，值得一讚，雞肉一點碎骨都冇。而且雞皮無乜脂肪爽滑，入口唔會成口油，就算連埋雞皮食都冇乜罪惡感XD。老闆見我地生面口，主動介紹佢地既雞，有別於坊間雞。專屬自家農場，無激素外，每隻雞用粟米飼養，養足130日先出黎，而且每日都新鮮運港烹整，所以肉質、脂肪比例都係特別D。 無骨鹽水加積鴨飯：鴨肉本身夠味，配酸汁食有另一個層次。驚喜在於鴨肉無臊味， 而且同樣要讚，起骨好好無碎骨，啖啖肉食得好開心。 2個Set 都係配薑黃飯，暫時係我食到最好既薑黃飯，啱我口感，飯粒分明唔會太冧太黏。無論雞定鴨，本身都好夠味，鍾意重口味既搭面仲有薑蓉、酸汁、甜豉油調味，味道又有另一種層次。 ————————————————─ 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─📍 凱悅海南雞專門店 網址: https://s.openrice.com/QrbS03DeA00~dY052vCv-地址: 元朗教育路130號安樂樓地舖電話: 27898328————————————————#元朗 #海南雞 #凱悅海南雞專門店 #元朗美食 #𝑚𝑠𝐶𝑎𝑚𝑚𝑦𝐹𝑜𝑜𝑑＃講女C生活 ＃講女搵食團 ＃卡咪黃 ＃HKBlogger ＃hkinfluencer ＃influencer ＃hkiger ＃hkkol ＃FoodBlogger #foodie #FindEatCouple▿▾▿▾▿▾▿▾▿▾▿▾▿▾▿▾▿▾▿▾▿| 講女C生活 | ｂy ms.Cammy「講」女就是這樣的--♧ 駐香港 ‧ 麻甩系水瓶講女♤ 美妝+食買玩旅遊。專長分享+吹水♧ 用文字、短片記錄，分享一切「講」女生活事♤ 歡迎╔ 品牌合作 | 產品試用 | 活動出席 ╗--email: mscammy.w@gmail.comwhatsapp: 點我WhatsApp聯絡 --YOᑌTᑌᗷE νℓσg: ╭ #Youtube 講女C頻道 ╮--⌞ms.Cammy⌟ blogpostblogspot || she.com || ulifestylegirlssss || girlab || weshare || beautylife台灣平台: pixnet || fashion guide--大眾點評 / 小紅書: mscammy--fσℓℓσω мє: instagra@mscammy.w ▿▾▿▾▿▾▿▾▿▾▿▾▿▾▿▾▿▾▿▾▿
