[#飲食] C+搵食團 || 平價多選擇飯局 - 【銅鑼灣】Y Pasta "最近比較煩!比較煩!比較煩!" @ 最近比較煩 一開始比較感性少少,人一生無論於工作上,還是個人生活上都會遇上好多不同的事,好與壞都係自己的觀點與角度,當然係不如意時候,有一班好朋友傾訴下當然係最好。為了最近比較煩呢個問題,就約埋一班閨蜜債下心事。因為閨蜜團成員有人係素食者,所以要搵間可以滿足到不同人既飲食需要,今次就一齊去了Y Pasta食好西,慢慢傾。 ******************************** 有去過The L. Square 都知成棟大廈都係食肆,所以繁忙時間都幾多人等電梯。我地都係繁忙食飯時間去餐廳,都有成7成滿,因為我地人少都好易安排位置比我地,如果多人既係建議訂定位安全。我地安排坐梳化位,雖然地方唔算太大,不過枱同枱之間都唔會太迫,都有空間感 睇睇Menu,食品選擇都好多,小食、Pizza、意粉、甜品等等,最驚喜既就係意粉,竟然可以有多款意粉選擇,長通粉、意粉、天使麵,都可以自選。 ******************************** 介紹下有咩好野食先: 龍蝦湯 $58 (另外酥皮 $15) 最愛的龍蝦湯,味道鮮甜,唔會太濃或者太腥,有蝦肉。湯類可另加酥皮,酥皮牛油味香,不過略為唔夠酥化。 ******************************** 芝士焗粗薯條 ($48) 傾計必備小食之一,小食既份量都算多,粗身薯條,唔會炸到太乾或者太硬,薯條面鋪上勁多咸香芝士,熱既時候,仲可以有拉絲。 ******************************** 酥炸雞脾菇配芝士醬 ($58) 呢個都係素既小食,雞脾菇炸得幾好,就算放耐左都唔會有出水既情況,依然香口酥化。隨碟附上芝士醬,可以配合黎食。 ******************************** 意大利黑松露醬雜菌Pizza 6" ($88) pizza 有大有小選擇,Order 時服務員都主動同我地介紹兩款Size 既大約大小,我地就叫左果細既6"(大約叮叮Pizza 咁上下)可以叫多幾款唔同野食。呢個都係全素Pizza,上枱已經聞到好香黑松露既味道,Pizza 批底唔會太乾 & 厚身,咬落脆身,面層芝士份量多。 ******************************** 刁草煙三文魚檸檬長通粉 ($128) 叫左兩款唔同既意粉,其中一款係長通粉。長通粉煮到剛好,唔會太淋。加上了刁草檸檬有少少略帶酸味,好醒胃。 ******************************** 忌廉汁牛肝菌天使麵 ($98) 另一款意粉叫左天使麵,忌廉汁好香,煮到剛好,唔會太多 & 太稀,剛好掛住意粉上。意粉都係唔會煮到太淋,就算冇肉,都好好咪。 ******************************** 太妃糖烏龍茶 ($28) 食完飯,當然歎返杯茶。叫左杯熱既太妃糖烏龍茶,只有少少微甜,唔會飲齋茶咁寡。服務生仲不停幫ms.C refill 熱水,一杯開幾杯賺左! ******************************** C+搵食團總評 CP值: 8/10 (好多食品選擇,每項食品都唔會太貴,可以叫多幾款都唔會太貴) 服務值: 8/10 (好快手 & 主動添水) ******************************** - C+搵食點 - Y Pasta 銅鑼灣駱克道459-461號The L. Square14樓 ******************************** | 講女C生活 | by ms.C ♧ 80′s 後 x 100%土生土長水瓶港女 ♤ 講玩‧講食‧講扮靚;隨心講,隨心寫 ♧ 歡迎不同合作機會(試用 / 出席活動) email: mscammy.w@gmail.com -- - youtube channel: - ms.C - x 講女C生活 // -- follow ME: facebook \ instagram -- ⌞ms.C⌟ 其他網誌 | blogspot | elle.com | ulifestyle | beauty exchange | | she.com | beauty qooza | theztyle | i-trial | | weshare | pixnet | style-tips |